സ്വന്തം ജനങ്ങളെ സര്ക്കാര് ചോര്ത്തിയോ? പെഗാസസില് വ്യക്തമായ മറുപടി വേണമെന്ന് രാഹുല് ഗാന്ധി
ഫോണ് ചോര്ത്തല് എന്തുകൊണ്ട് സര്ക്കാര് സഭയില് ചര്ച്ച ചെയ്യുന്നില്ലെന്നും രാഹുല് ഗാന്ധി ചോദിച്ചു.
ദില്ലി: പെഗാസസില് സര്ക്കാരില് നിന്ന് വ്യക്തമായ മറുപടി വേണമെന്ന് രാഹുല് ഗാന്ധി. സര്ക്കാര് ഇക്കാര്യത്തില് ഒളിച്ചോടുകയാണ്. ചാരപ്പണി നടന്നോയെന്നും സ്വന്തം ജനങ്ങളെ സര്ക്കാര് ചോര്ത്തിയോ എന്നും വ്യക്തമാക്കണം. ഫോണ് ചോര്ത്തല് എന്തുകൊണ്ട് സര്ക്കാര് സഭയില് ചര്ച്ച ചെയ്യുന്നില്ലെന്നും രാഹുല് ഗാന്ധി ചോദിച്ചു.
പെഗാസസ് അടക്കമുള്ള വിഷയങ്ങളില് പാര്ലമെന്റില് ആക്രമണം കടുപ്പിക്കാനുള്ള നീക്കങ്ങളുടെ ഭാഗമായി രാഹുല് ഗാന്ധി വിളിച്ച പ്രതിപക്ഷ കക്ഷിയോഗത്തിന് പിന്നാലെയാണ് പ്രതികരണം. യോഗത്തില് നിന്ന് തൃണമൂല് കോണ്ഗ്രസ് വിട്ടുനിന്നു. സോണിയ ഗാന്ധിയുമായുള്ള മമതയുടെ ചര്ച്ചയ്ക്ക് ശേഷം പാര്ലമെന്റിലെ സഹകരണത്തില് അന്തിമ തീരുമാനമെന്നാണ് നിലപാട്. ഇന്ന് വൈകുന്നേരം മമത ബാനര്ജി സോണിയ ഗാന്ധിയുമായി കൂടിക്കാഴ്ച നടത്തും.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona.