ജെഎൻയു കാമ്പസിൽ വിദ്യാര്ത്ഥികൾ ഏറ്റുമുട്ടി; എബിവിപി ആക്രമിച്ചെന്ന് വിദ്യാര്ത്ഥി യൂണിയൻ
സര്വ്വകാലശാലയിൽ വിവിധ ആവശ്യങ്ങളുന്നയിച്ച് സമരം തുടരുന്ന ഇടതുവിദ്യാര്ത്ഥി സംഘടനാ പ്രവര്ത്തകര്ക്ക് നേരെ എബിവിപി ആക്രമണം അഴിച്ചുവിടുകയായിരുന്നുവെന്നാണ് വിദ്യാര്ത്ഥി യൂണിയന്റെ ആരോപണം
ദില്ലി: ജവഹര്ലാൽ നെഹ്റു സര്വ്വകലാശാലയിൽ വിദ്യാര്ത്ഥികള് ചേരിതിരിഞ്ഞ് ഏറ്റുമുട്ടി. ഇരുവിഭാഗവും തമ്മിൽ കല്ലേറുണ്ടായി. സര്വ്വകാലശാലയിൽ വിവിധ ആവശ്യങ്ങളുന്നയിച്ച് സമരം തുടരുന്ന ഇടതുവിദ്യാര്ത്ഥി സംഘടനാ പ്രവര്ത്തകര്ക്ക് നേരെ എബിവിപി ആക്രമണം അഴിച്ചുവിടുകയായിരുന്നുവെന്നാണ് വിദ്യാര്ത്ഥി യൂണിയന്റെ ആരോപണം. അഡ്മിനിസ്ട്രേറ്റീവ് ബ്ലോക്കിന് സമീപത്താണ് സംഘര്ഷം ഉണ്ടായത്. നിരവധി പേര്ക്ക് പരിക്കേറ്റിട്ടുണ്ട്. സംഘര്ഷത്തെ തുടര്ന്ന് കാമ്പസിനകത്ത് പൊലീസ് കാവൽ ഏര്പ്പെടുത്തി.