ദില്ലി: സംസ്ഥാനത്തിന് പുറത്തുള്ള എൻആര്‍ഐ വിദ്യാര്‍ത്ഥികള്‍ക്കും മെഡിക്കൽ സീറ്റുകളിൽ പ്രവേശനം നൽകാമെന്ന് സുപ്രീംകോടതിയുടെ ഇടക്കാല ഉത്തരവ്. ഒഴിവുവരുന്ന എന്‍ആര്‍ഐ സീറ്റുകളിലേക്കാണ് ഇതര സംസ്ഥാനത്ത് നിന്നുള്ള എന്‍ആര്‍ഐ വിദ്യാര്‍ത്ഥികള്‍ക്ക് പ്രവേശനം നല്‍കുക.

സ്വകാര്യ മാനേജുമെന്‍റുകളുടെ ഹർജിയില്‍ ചീഫ് ജസ്റ്റിസ് എസ് എ ബോബ്ഡേ അധ്യക്ഷനായ കോടതിയാണ് ഇതുസംബന്ധിച്ച ഇടക്കാല ഉത്തരവ് പുറപ്പെടുവിച്ചിരിക്കുന്നത്. ഒഴിവ് വരുന്ന എൻആര്‍ഐ സീറ്റുകള്‍ ജനറൽ സീറ്റുകളാക്കരുതെന്നും സുപ്രീംകോടതി ഉത്തരവിട്ടുണ്ട്. ഇടക്കാല ഉത്തരവ് ഈ വര്‍ഷത്തേയ്ക്ക് മാത്രമാണ് ബാധകം.