രാജ്യത്ത് ജനതാ കർഫ്യു പ്രഖ്യാപിച്ച് പ്രധാനമന്ത്രി, വീടിന് പുറത്തിറങ്ങരുതെന്ന് ആഹ്വാനം- Live

ഈ 22 മുതൽ രാവിലെ 7 മണിക്കും രാത്രി 10 മണിക്കും ഇടയിൽ എല്ലാ പൗരൻമാർ സ്വയം ജനതാ കർഫ്യു പാലിക്കണം. ഈ സമയത്ത് ആരും പുറത്തിറങ്ങരുത്.. റോഡിലിറങ്ങരുത്.

ജനങ്ങൾ ജനങ്ങളാൽ ജനങ്ങൾക്ക് വേണ്ടി കർഫ്യൂ പാലിക്കണമെന്ന് പ്രധാനമന്ത്രി. 

ജനങ്ങൾ പരമാവധി വീടിന് പുറത്തിറങ്ങരുതെന്ന് പ്രധാനമന്ത്രി

പ്രധാനമന്ത്രി രാജ്യത്തെ അഭിസംബോധന ചെയ്യുന്നു. 

ഗുജറാത്തിൽ രണ്ട് പേർക്ക് കൂടി കൊവിഡ് 19 സ്ഥിരീകരിച്ചു

Two positive cases of coronavirus found in Gujarat; first infections reported from state: Health department

— Press Trust of India (@PTI_News) March 19, 2020

ബെംഗളൂരുവിൽ രണ്ട് പേർക്ക് കൊവിഡ് ഭേദമായി. ഗൂഗിൾ ജീവനക്കാരൻ, രോഗം ബാധിച്ച ഐടി ജീവനക്കാരൻ്റെ ഭാര്യ എന്നിവർ നാളെ ആശുപത്രി വിടും. 

ദില്ലി: ജെഎൻയു ക്യാമ്പസ് പൂർണ്ണമായി അടയ്ക്കുന്നു. വിദ്യാർത്ഥികളോട് ഹോസ്റ്റൽ ഒഴിയാൻ നിർദ്ദേശം നൽകി. ഈ മാസം 31 വരെ സർവകലാശാല അടച്ചിടും. നേരത്തെ അക്കാദമിക്ക് കാര്യങ്ങൾ മാത്രമായിരുന്നു റദ്ദാക്കിയത്

തിരുവനന്തപുരം: രണ്ട് മാസത്തെ സാമൂഹ്യ സുരക്ഷാ പെന്‍ഷന്‍ ഈ മാസം തന്നെ നല്‍കും. 50 ലക്ഷത്തില്‍പരം ആളുകള്‍ക്ക് സാമൂഹ്യ സുരക്ഷ പെന്‍ഷന്‍ കിട്ടും. അതില്ലാത്തവര്‍ക്കു 1000 രൂപ വീതവും നല്‍കുമെന്നും അതിനായി 100 കോടി വിനിയോഗിക്കുമെന്നും മുഖ്യമന്ത്രി വ്യക്തമാക്കി. 

തിരുവനന്തപുരം: നിലവിലെ പ്രതിസന്ധി നേരിടാൻ സംസ്ഥാനത്ത് 20,000 കോടി രൂപയുടെ സാമ്പത്തിക പാക്കേജ് പ്രഖ്യാപിച്ചു. കുടുംബശ്രീ വഴി 2000 കോടിയുടെ വായ്പ ലഭ്യമാക്കും. ഒപ്പം ഏപ്രില്‍, മേയ് മാസങ്ങളില്‍ ഓരോ മാസവും 1000 കോടിയുടെ തൊഴില്‍ ഉറപ്പ് നടപ്പാക്കും.

തിരുവനന്തപുരം: സംസ്ഥാനത്ത് ഇന്ന് ഒരാള്‍ക്ക് കൂടി കൊവിഡ് 19 വൈറസ് ബാധ സ്ഥിരീകരിച്ചു. ഇതോടെ കൊവിഡ് ബാധിച്ച് സംസ്ഥാനത്ത് ചികിത്സയിലുള്ളവരുടെ എണ്ണം 25 ആയി. കാസര്‍കോഡ് ജില്ലയിലെ ഒരാള്‍ക്കാണ് ഇന്ന് കൊവിഡ് സ്ഥിരീകരിച്ചത്.

Read more at: സംസ്ഥാനത്ത് ഒരാള്‍ക്ക് കൂടി കൊവിഡ് 19 സ്ഥിരീകരിച്ചു; ആകെ 25 പേര്‍ ചികിത്സയില്‍ ...

തിരുവനന്തപുരം: ഇന്ന് ലഭിച്ച പരിശോധനാ ഫലങ്ങൾ നെഗറ്റീവ്. ജില്ലയിൽ 23 പേരുടെ പരിശോധനാ ഫലം ഇന്ന് ലഭിച്ചു. എല്ലാം നെഗറ്റീവാണ്. ഇതിൽ ശ്രീചിത്രയിലെ ഡോക്ടർമാരുൾപ്പെടെ ഏഴ് ജീവനക്കാരുടെ ഫലവും ഉൾപ്പെടുന്നു  

Read more at: ശ്രീചിത്ര ആശുപത്രിയിൽ ആശ്വാസം ; ഡോക്ടര്‍മാര്‍ അടക്കം ഏഴ് പേര്‍ക്ക് കൊവിഡ് ഇല്ല ...

 

തിരുവനന്തപുരം: സമൂഹത്തിന്‍റെ സൂചന ഇതുവരെ ഇല്ലെന്ന് കേന്ദ്രം

ദില്ലിയിൽ എല്ലാ റസ്റ്റോറൻറുകളും 31 വരെ അടച്ചിടും. 20 പേരിൽ കൂടുതലുള്ള ആൾക്കൂട്ടത്തിന് വിലക്ക്.

ദില്ലി: ഇറാനിൽ കൊവിഡ് 19 സ്ഥിരീകരിച്ച ഒരു ഇന്ത്യൻ പൗരൻ മരിച്ചു.

ദില്ലി: രോഗ വ്യാപനം തടയാൻ രാജ്യത്ത് കടുത്ത നിയന്ത്രണങ്ങൾ, 10 വയസിന് താഴെ പ്രായമുള്ളവരും 65 വയസിന് മുകളിൽ പ്രായമുള്ളവരും വീടിന് പുറത്തിറങ്ങരുതെന്ന് കേന്ദ്ര ആരോഗ്യവകുപ്പ് നിർദ്ദേശം. മെഡിക്കൽ പ്രൊഫഷണൽസും സർക്കാർ ജീവനക്കാരും ഒഴികെയുള്ള മുതിർന്ന പൗരൻമാർക്കാണ് ഉപദേശം.

ദില്ലി: കൊവിഡ് 19 പടരുന്ന സാഹചര്യത്തിൽ അന്താരാഷ്ട്ര സർവ്വീസ് നടത്തുന്ന വിമാനങ്ങൾ ഇന്ത്യയിൽ ഇറങ്ങാൻ അനുവദിക്കില്ല. മാർച്ച് 22 മുതൽ ഒരാഴ്ചത്തേക്കാണ് നിയന്ത്രണം.  

ദില്ലി: ഇന്ത്യയിൽ ഒരാൾ കൂടി കൊവിഡ് 19 ബാധിച്ച് മരിച്ചു. രാജ്യത്തെ നാലാമത്തെ മരണമാണ് സ്ഥിരീകരിക്കപ്പെട്ടത്. പഞ്ചാബിൽ നിന്നുള്ള രോഗി മരിച്ചതായി കേന്ദ്ര ആരോഗ്യവകുപ്പ്.

India reports fourth novel coronavirus death, patient was from Punjab: Union Health Ministry

— Press Trust of India (@PTI_News) March 19, 2020

തിരുവനന്തപുരം:  കൊവിഡ് 19 പടരുന്ന പശ്ചാത്തലത്തിൽ എല്ലാ പരീക്ഷകളും മാറ്റി വയ്ക്കാനുള്ള യുജിസി നിർദേശം തള്ളി കേരളം. സംസ്ഥാനത്തെ എല്ലാ സർവകലാശാലകളിലേയും പരീക്ഷകൾ മുൻനിശ്ചയിച്ച പ്രകാരം നടക്കും. ആരോഗ്യവകുപ്പ് പുറപ്പെടുവിച്ച കർശന മാർഗനിർദേശങ്ങൾ പാലിച്ചു കൊണ്ടു പരീക്ഷകൾ പൂർത്തിയാക്കുമെന്നാണ് കേരളത്തിലെ സർവകലാശാലകളുടെ നിലപാട്. ഇക്കാര്യം ഉടനെ യുജിസിയെ അറിയിക്കും. 

Read more at:  യുജിസി നിർദേശം തള്ളി സർക്കാർ: സംസ്ഥാനത്തെ സർവകലാശാല പരീക്ഷകൾ മാറ്റമില്ലാതെ നടക്കും ...
 

കൊവിഡ് രോഗം പടരുന്ന സാഹചര്യത്തിൽ മുൻകരുതലിന്‍റെ ഭാഗമായി തിരുപ്പതി ക്ഷേത്രവും അടച്ചു. സന്ദ‌‌ർശക‌ർക്ക് വിലക്കേ‌ർപ്പെടുത്തി. 
 

കാസ‍‌ർകോട്: കൊവിഡ്-19 രോഗലക്ഷണമുള്ളവരെ പാര്‍പ്പിക്കാന്‍ കൂടുതല്‍ സൗകര്യമെര്‍പ്പെടുത്തുമെന്ന് കാസർകോട് ജില്ലാ കളക്ടർ. കാഞ്ഞങ്ങാട് ലക്ഷ്മി മേഘന്‍ ആശുപത്രിയും കാഞ്ഞങ്ങാട് അരമന ആശുപത്രിയുടെ ഒരു ബ്ലോക്കും ഇതിനായി ഏറ്റെടുക്കും. വിദേശത്ത് നിന്ന് വന്ന രോഗലക്ഷണമില്ലാത്തവരെ നിരീക്ഷണ കാലാവധി കഴിയുന്നതുവരെ പാര്‍പ്പിക്കുന്നതിന് കാസര്‍കോട് ജനറല്‍ ആശുപത്രിക്ക് സമീപമുള്ള കാസര്‍കോട് ഗവ  ഹയര്‍സെക്കണ്ടറി സ്‌കൂളൂം, കാഞ്ഞങ്ങാട് ജില്ലാ ആശുപത്രിക്ക് സമീപമുള്ള ബല്ലാ ഗവ. ഹയര്‍സെക്കണ്ടറി സ്‌കൂളൂം ഏറ്റെടുക്കുമെന്ന് ജില്ലാ കലക്ടർ അറിയിച്ചു.

ദില്ലി: ഇറാനിലെ സ്ഥിതി ഗുരുതരമെന്നും സുരക്ഷിത സ്ഥലങ്ങളിലുള്ള ഇന്ത്യക്കാര്‍ അവിടെ തന്നെ തങ്ങുന്നതാണ് ഉചിതമെന്നും വിദേശകാര്യമന്ത്രാലയം രോഗം സ്ഥിരീകരിച്ചവർക്ക് ആവശ്യമായ കരുതൽ നല്‍കുന്നുണ്ടെന്നും രോഗം ഭേദമായശേഷം ഇവരെ തിരിച്ചെത്തിക്കുമെന്നും മന്ത്രാലയം അറിയിച്ചു. 

Read more at: ഇറാനില്‍ സ്ഥിതി ഗുരുതരം; സുരക്ഷിത സ്ഥലങ്ങളിലുള്ളവര്‍ അവിടെ തന്നെ തങ്ങണമെന്ന് വിദേശകാര്യ മന്ത്രാലയം ...

 

തിരുവനന്തപുരം: സംസ്ഥാനത്ത് സർവ്വീസ് നടത്തുന്ന 18 ട്രെയിനുകൾ കൊവിഡ് 19 രോഗം വ്യാപിക്കുന്ന സാഹചര്യത്തിൽ റദ്ദാക്കി. തിരുവനന്തപുരം കോഴിക്കോട് ജനശതാബ്ദി, തിരുവനന്തപുരം- മംഗളൂരു മലബാർ എക്സ്പ്രസ്, തിരുവനന്തപുരം- ചെന്നൈ സെൻട്രൽ എക്സ്പ്രസ്, കോയമ്പത്തൂർ- മംഗളൂരു ഇന്റസിറ്റി, എറണാകുളം- ലോകമാന്യതിലക്  തുരന്തോ എക്സ്പ്രസ്, എന്നിവയുടെ ഇരുവശത്തേക്കുമുള്ള സർ‍വീസുകളും റദ്ദാക്കി. എട്ട് പാസഞ്ചർ ട്രെയിനുകളും റദ്ദാക്കിയിട്ടുണ്ട്.

ചെന്നൈ: ചെന്നൈയിൽ ഒരാൾക്ക് കൂടി കൊവിഡ് 19 സ്ഥിരീകരിച്ചു.ഐയർലൻഡ് സ്വദേശിയായ വിദ്യാർത്ഥിക്കാണ് കൊവിഡ് ബാധ സ്ഥിരീകരിച്ചത്. ഈ മാസം 17നാണ് വിദ്യാർത്ഥി ചെന്നൈ വിമാനത്താവളത്തിൽ എത്തിയത്. ചെന്നൈയിൽ റിപ്പോർട്ട് ചെയ്യുന്ന മൂന്നാമത്തെ കേസാണ് ഇത്. 
 

കൊവിഡ് 19 പശ്ചാത്തലത്തിൽ ഇടുക്കിയിൽ ഏഴ് സ്വകാര്യ ആശുപത്രികളുമായി ആരോഗ്യ വകുപ്പ് ധാരണയിലെത്തി. നിരീക്ഷണത്തിനായി ആശുപത്രികൾ 67 മുറികളും നാല് വാർഡുകളും നൽകും. 36 വെൻറിലേറ്ററുകളും നൽകും. ജില്ലയുടെ എല്ലാ ഭാഗത്തുമുള്ള ആശുപത്രികൾ പട്ടികയിലുണ്ട്.

കർണാടകത്തിൽ കൊവിഡ് ബാധിച്ച് ഒരാൾ മരിച്ച കലബുറഗിയിൽ 144 പ്രഖ്യാപിച്ചു. 

ഛത്തീസ്ഗഡിലെ എല്ലാ മുനിസിപ്പൽ കോർപ്പറേഷൻ പരിധികളിലും അടിയന്തരാവസ്‌ഥ പ്രഖ്യാപിച്ചു. തലസ്ഥാനമായ റായ്‌പൂരിലും അടിയന്തരാവസ്ഥയാണ്. ആളുകൾ കൂടുന്നത് തടയാനാണ് നടപടിയെന്ന് മുഖ്യമന്ത്രി ഭൂപേഷ് ഭാഗൽ.

സ്വകാര്യ ആശുപത്രികളിലും ലാബുകളിലും രോഗ പരിശോധന നടത്താനുള്ള സംവിധാനം ഒരുക്കണമെന്ന് പഞ്ചാബ് മുഖ്യമന്ത്രി ക്യാപ്റ്റൻ അമരീന്ദർ സിംഗ് കേന്ദ്രസർക്കാരിനോട് ആവശ്യപ്പെട്ടു.

വാഗ അതിർത്തി അടച്ചെന്ന് പാകിസ്ഥാൻ. 

സിറോ മലബാർ സഭ ദില്ലി അതിരൂപതാ ഇടവകകളിലെ കുർബാനകൾ ഈമാസം 31 വരെ നിർത്തി വച്ചു. സോഷ്യൽ മീഡിയ വഴി ലൈവ് സ്ട്രീമിംഗ് നടത്തുമെന്ന് അതിരൂപത.

കൊവിഡ് 19 രോഗ പ്രതിരോധത്തിൻ്റെ ഭാഗമായി കോഴിക്കോട് കൊല്ലം പിഷാരികാവ് ക്ഷേത്രത്തിൽ ഇനി ഒരു അറിയിപ്പ് ഉണ്ടാകും വരെ വഴിപാടുകൾക്കും 6 ക്ഷേത്ര ദർശനത്തിനും നിയന്ത്രണം ഏർപ്പെടുത്തി.

ഭൂരിഭാഗം അന്താരാഷ്ട്ര സർവീസുകളും നിർത്തി വയ്ക്കുകയാണെന്നു സ്‌പൈസ് ജെറ്റ്. ഞായറാഴ്ച മുതൽ ഏപ്രിൽ 30 വരെയാണ് സർവീസ് നിർത്തുന്നത്. 

യാത്രാ വിലക്കിനെ തുടർന്ന് സിംഗപ്പൂർ എയർപോർട്ടിൽ കുടുങ്ങിയ 97 ഇന്ത്യക്കാരെ ഇന്ത്യയിൽ എത്തിക്കാൻ നടപടി. ഇവരെ പ്രത്യേക വിമാനത്തിൽ ഇന്ത്യയിൽ എത്തിക്കുമെന്ന് സിംഗപ്പൂർ എംബസി. ഇതിനായി സിംഗപ്പൂർ എയർലൈൻസിന്‍റെ വിമാനം തയ്യാറാക്കി. മലേഷ്യ, ഫിലിപ്പീൻസ് എന്നിവിടങ്ങളിൽ നിന്ന് ഇന്ത്യയിലേക്കുള്ള യാത്രക്കിടെയാണ് 97 ഇന്ത്യക്കാർ സിംഗപ്പൂരിലെ ചായ് വിമാനത്താവളത്തിൽ കുടുങ്ങിയത്.

യാത്രാ നിയന്ത്രണവുമായി ഛത്തീസ്‌ഗഡ് സർക്കാർ. അന്തർ സംസ്ഥാന ബസുകൾക്ക് സംസ്ഥാനത്ത് വിലക്ക്.

കൂടുതൽ ഐസൊലേഷൻ വാർഡുകൾ ഒരുക്കാൻ തീരുമാനം. ഇതിനായി സ്വകാര്യ ആശുപത്രികൾ താത്കാലികമായി ഏറ്റെടുക്കും. കാസർകോട് ഗവൺമെന്‍റ്  കോളേജിലും കാഞ്ഞങ്ങാട് നെഹ്‌റു കോളേജിലും ഐസൊലേഷൻ വാർഡുകൾ ഒരുക്കും. വാർഡ് തല ജാഗ്രതാ സമിതികൾ രൂപികരിക്കും. വിദേശത്ത് നിന്നും എത്തുന്നവരെ പരിശോധനക്കായി ആശുപത്രികളിലെത്തിക്കുന്ന ചുമതല സർക്കാർ ഏറ്റെടുക്കും. കെഎസ്ആർടിസി ബസുകൾ ഇതിനായി ഉപയോഗിക്കും.

കേന്ദ്രസർക്കാർ ജീവനക്കാർക്കും വർക് അറ്റ് ഹോം ജോലി ക്രമീകരണം ഏർപ്പെടുത്തി കേന്ദ്രസർക്കാർ ഉത്തരവ് പുറത്തിറക്കി. ഗ്രൂപ്പ്‌ സി, ഗ്രൂപ്പ്‌ ബി ജീവനക്കാരിൽ 50 ശതമാനത്തിനും വീട്ടിലിരുന്ന് ജോലി ചെയ്യാം. 

പഞ്ചാബിൽ നാളെ മുതൽ  പൊതു ഗതാഗത നിരോധനം. ബസുകൾ, ഓട്ടോകൾ എന്നിവയ്ക്കാണ് നിരോധനം. തീവണ്ടികൾ സർവീസ് നടത്തും.

അട്ടാരി വാഗാ അതിർത്തി വഴി എത്തിയ 43 ഇന്ത്യക്കാരെ അമൃത്സറിൽ കരുതൽ കേന്ദ്രത്തിൽ ആക്കി. ഇതിൽ 29 പേർ ദുബായിൽ നിന്നു മടങ്ങിയവരും 14 പേർ പാകിസ്ഥാനിൽ വിദ്യാർത്ഥികളുമാണ്.

ചെന്നൈയിൽ സാമൂഹ്യവ്യാപനം സംശയിച്ച് ആരോഗ്യവകുപ്പ്. നിരവധി ആളുകൾ വരികയും പോവുകയും ചെയ്യുന്ന എംജിആർ സെൻട്രൽ റെയിൽവേസ്റ്റേഷൻ വഴി ദില്ലിയിൽ നിന്ന് എത്തിയ യുപി സ്വദേശിയുടെ സമ്പർക്കപ്പട്ടിക എങ്ങനെ തയ്യാറാക്കുമെന്നറിയാതെ നിൽക്കുകയാണ് തമിഴ്‍നാട് ആരോഗ്യവകുപ്പ്. കൊവിഡിന്‍റെ സാമൂഹ്യവ്യാപനം എങ്ങനെ തടയാമെന്നതിൽ ഒരു ധാരണയും ആരോഗ്യവകുപ്പിനില്ല.

Read more at: കൊവിഡ്: തമിഴ്‍നാട്ടില്‍ സമൂഹ വ്യാപനമെന്ന് സംശയം; ആശങ്കയിൽ ആരോഗ്യവകുപ്പ്

കൊവിഡ് - 19 പടരുന്ന പശ്ചാത്തലത്തിൽ കേരളത്തിൽ വൈദ്യുതി ചാർജ് - വെള്ളക്കരം എന്നിവ അടക്കുന്നതിന് 30 ദിവസത്തെ സാവകാശം അനുവദിച്ചു. പിഴ കൂടാതെയാണ് 30 ദിവസം അനുവദിച്ചത്.

മഹാരാഷ്ട്രയിൽ ആകെ കൊവിഡ് 19 രോഗബാധ സ്ഥിരീകരിച്ചിരിക്കുന്നത് 49 പേർക്കെന്ന് ആരോഗ്യമന്ത്രി രാജേഷ് തോപ്പെ.

ഓരോ സംസ്ഥാനങ്ങളിലെയും വിവരങ്ങളറിയാൻ മൗസ് പോയന്‍റർ അതാത് സംസ്ഥാനങ്ങളുടെ മുകളിൽ വയ്ക്കുക.

കൊവിഡ് 19 പ്രതിരോധ പ്രവർത്തനങ്ങൾ ശക്തിപ്പെടുത്തുന്നതിന്റെ ഭാഗമായി, കൊച്ചിൻ കോർപ്പറേഷനിൽ സന്ദർശകരെ നിയന്ത്രിക്കുമെന്ന് മേയർസൗമിനി ജെയിൻ അറിയിച്ചു. ഓഫീസിൽ എത്തുന്നവർക്ക് തെർമൽസ്‌കാനിംഗ് സംവിധാനം ഏർപ്പെടുത്തും. 

കൊവിഡ് 19 പ്രതിരോധം: കൊച്ചിൻ കോർപ്പറേഷനിൽ സന്ദർശകരെ നിയന്ത്രിക്കുമെന്ന് മേയർ സൗമിനി ജെയിൻ

 

കൊവിഡിന് വ്യാജ ചികിത്സ നല്‍കിയ സ്ത്രീ കൊച്ചിയിൽ അറസ്റ്റിൽ. ചേരാനല്ലൂർ സംസം മൻസിലിൽ ഹാജിറയാണ് പിടിയിലായത്. രോഗിയാണെന്ന വ്യാജേന എത്തിയ ആൾക്ക് കുപ്പിവെള്ളം മന്ത്രിച്ച് ഓതി  നല്‍കുകയായിരുന്നു. 

കൊവിഡിന് വ്യാജ ചികിത്സ; കൊച്ചിയില്‍ സ്ത്രീ അറസ്റ്റില്‍

 

കൊവിഡ് 19 പടരുന്ന പശ്ചാത്തലത്തിൽ എല്ലാ പരീക്ഷകളും മാറ്റി വയ്ക്കാൻ സർവകലാശാലകൾക്ക് യുജിസിയുടെ നിർദേശം. നിലവിൽ നടക്കുന്ന പരീക്ഷകൾ അടക്കം എല്ലാ പരീക്ഷകളും മാറ്റി വയ്ക്കാനാണ് യുജിസി സർവകലാശാലകൾക്ക് നിർദേശം നൽകിയിരിക്കുന്നത്. 

എല്ലാ പരീക്ഷകളും മാറ്റി വയ്ക്കാൻ സർവകലാശാലകൾക്ക് യുജിസി നിർദേശം...

 

കൊവിഡ് സ്ഥിരീകരിച്ചതിന് പിന്നാലെ കര്‍ണ്ണാടകത്തിലെ കുടകില്‍ നിരോധനാജ്ഞ പ്രഖ്യാപിച്ചു. 

കുടകില്‍ നിരോധനാജ്ഞ: ഇവിടേക്ക് ജോലിക്ക് പോകരുതെന്ന് നിര്‍ദ്ദേശം, വയനാട് അതിര്‍ത്തിയില്‍ ജാഗ്രത

 

ലക്നൗവില്‍ രണ്ട് പേർക്ക് കൂടി കൊവിഡ് 19 രോഗം സ്ഥിരീകരിച്ചു. 

അഞ്ചു പേരിൽ കൂടുതൽ കൂട്ടംകൂടുന്നത് ഒഴിവാക്കണമെന്ന് ദില്ലി പൊലീസ്. ദില്ലി നിവാസികൾ പരമാവധി വീട്ടിനുള്ളിൽ തന്നെ തുടരണമെന്നും പൊലീസ്.
 

കൊവിഡ് രോഗം ബാധ സ്ഥിരീകരിച്ചതിന് പിന്നാലെ കർണാടകയിലെ കുടകിൽ നിരോധനാജ്ഞ പ്രഖ്യാപിച്ചു.

കുട്ടികളുടെ സുരക്ഷ മുൻനിർത്തി സംസ്ഥാന സർക്കാർ അടിയന്തരനടപടി സ്വീകരിക്കണമെന്ന് എൻഎസ്എസ് ജനറൽ സെക്രട്ടറി ജി സുകുമാരൻ നായർ.

കൊറോണ പശ്ചാത്തലത്തിൽ ഷഹീൻബാഗ് സമരക്കാരെ പിരിച്ചു വിടണം എന്നാവശ്യപ്പെട്ട് സുപ്രീംകോടതിയിൽ പൊതുതാല്‍പര്യ ഹർജി. സമരം തുടരുന്നത് രോഗം പടർന്നുപിടിക്കാൻ കാരണമാകും. എത്രയുംവേഗം ഇക്കാര്യത്തിൽ ഇടപെടണമെന്നും ആവശ്യം

ഇറ്റലിയിൽ നിന്നു വന്ന രോഗിയുമായി സംസാരിച്ചതായും ബഹിഷ്കരണ മനോഭാവം ശരിയല്ലെന്നും പ്രതിപക്ഷ നേതാവ്. എല്ലാവരും ഒറ്റപ്പെടുത്തുന്നു എന്ന് അവർ തന്നോട് പറഞ്ഞതായും രമേശ് ചെന്നിത്തല. 

വിവിധ ജില്ലാ ഭരണകൂടങ്ങളിലെ അധികൃതരുമായി മുഖ്യമന്ത്രി വീഡിയോ കോൺഫറൻസിംഗിലൂടെ തത്സമയം സംസാരിക്കുന്നു. 

കർണാടകത്തിലെ കുടകിൽ ഒരാൾക്ക് കൊവിഡ് സ്ഥിരീകരിച്ചു. സൗദി അറേബ്യയിൽ നിന്നെത്തിയ ആൾക്കാണ് കൊവിഡ് സ്ഥിരീകരിച്ചത്. ഇതോടെ കർണാടകത്തിൽ ആകെ രോഗികൾ 15 ആയി. 

സിബിഎസ്‍സി പരീക്ഷകൾക്ക് പിന്നാലെ ഐഎസ്ഇ, ഐസിഎസ്‍ഇ പരീക്ഷകളും മാറ്റി. 10, 12 ക്ലാസുകളിലെ പരീക്ഷകളാണ് മാറ്റാൻ തീരുമാനിച്ചത്. നേരത്തേ ജെഇഇ മെയിൻ, യുജിസി അടക്കമുള്ള പരീക്ഷകൾ മാറ്റാൻ അതാത് പരീക്ഷാ ഏജൻസികൾ തീരുമാനിച്ചിരുന്നു. അതേസമയം, കേരളത്തിൽ സ്റ്റേറ്റ് സിലബസിലെ പരീക്ഷകൾക്ക് മാറ്റമില്ല. പത്താം ക്ലാസ്, പന്ത്രണ്ടാം ക്ലാസ് പരീക്ഷകളും സർവകലാശാലാ പരീക്ഷകളും മുടക്കമില്ലാതെ നടക്കും.

സിബിഎസ്ഇക്ക് പിന്നാലെ ഐഎസ്‌സി, ഐസിഎസ്ഇ പരീക്ഷകളും മാറ്റി; എസ്എസ്എൽസി പരീക്ഷ തുടരുന്നു 

മാഹിയിൽ ചികിത്സയിലുള്ള കൊവിഡ് രോഗിയുടെ നില തൃപ്തികരമെന്ന് മുഖ്യമന്ത്രി വി നാരായണസ്വാമി. ആവശ്യമായ സഹായങ്ങൾ ചെയ്യാൻ കേരള മുഖ്യമന്ത്രിക്ക് കത്തെഴുതി. പ്രാദേശിക ഭരണകൂടം 15 സംഘങ്ങളായി തിരിഞ്ഞ് ബോധവൽക്കരണം നടത്തുന്നുണ്ട്. പ്രതിരോധ പ്രവർത്തനങ്ങൾക്കായി ഒരു കോടി രൂപ അനുവദിച്ചെന്ന് പുതുച്ചേരി മുഖ്യമന്ത്രി. 

ഇന്ത്യയുടെ മാപ്പിൽ അതാത് സംസ്ഥാനങ്ങളുടെ മേൽ മൗസ് പോയന്‍റർ വയ്ക്കുക. അവിടത്തെ കണക്കുകൾ കാണാം. 

മഹാരാഷ്ട്രയിൽ രണ്ട് പേർക്ക് കൂടി കൊവിഡ് സ്ഥിരീകരിച്ചു. ആകെ 47 പേർക്ക് കൊവിഡ്. ഇംഗ്ലണ്ടിൽ നിന്നും ദുബായിൽ നിന്നും എത്തിയ മുംബൈ സ്വദേശികൾക്കാണ് കൊവിഡ് സ്ഥിരീകരിച്ചത്. 

യാത്രക്കാരില്ലാത്തതിനാലും, ജാഗ്രതയുടെ ഭാഗമായും രാജ്യത്ത് കൂടുതൽ തീവണ്ടികൾ റദ്ദാക്കി. 84 ട്രെയിനുകൾ ഇന്ന് റദ്ദാക്കി. ഇതോടെ ഇതുവരെ റദ്ദാക്കിയ ട്രെയിനുകളുടെ എണ്ണം 168 ആയി. റദ്ദാക്കിയത് 31-ാം തീയതി വരെയുള്ള തീവണ്ടികളാണ്. റദ്ദാക്കിയ തീവണ്ടികളുടെ വിവരങ്ങൾ ഉടൻ ലഭ്യമാകും.

ഇന്ത്യയിലെ പരിശോധനകളിൽ തൃപ്തി രേഖപ്പെടുത്തി ലോകാരോഗ്യ സംഘടന. ഇന്ത്യയിൽ ഇതുവരെ സമൂഹ വ്യാപനം ഇല്ല. ഡബ്ള്യു എച്ച് ഒ നിർദ്ദേശപ്രകാരമുള്ള എണ്ണൂറിലധികം ടെസ്റ്റുകൾ നെഗറ്റീവ്.

ഫിലിപ്പീൻസിലും മലേഷ്യയിലും കുടുങ്ങി കിടക്കുന്ന ഇന്ത്യക്കാരെ തിരികെ എത്തിക്കണം എന്നാവിശ്യപ്പൊട്ട് പി.കെ. കുഞ്ഞാലിക്കുട്ടി എം പി ലോക്സഭയിൽ അടിയന്തര പ്രമേയത്തിന് നോട്ടീസ് നൽകി.

മലേഷ്യയിലെ ക്വാലലംപൂർ എയർപോർട്ടിൽ കൂടുതൽ ഇന്ത്യക്കാർ കുടുങ്ങി കിടക്കുന്നു. വിമാനത്താവളത്തിൽ ഉണ്ടായിട്ടും പ്രത്യേക വിമാനത്തെ കുറിച്ച് അറിയിപ്പ് ലഭിച്ചില്ലെന്നും പരാതി. അന്വേഷിച്ചപ്പോൾ ബുക്കിംഗ് തീർന്നെന്ന് മറുപടി നൽകിയെന്ന് കുടുങ്ങിക്കിടക്കുന്നവർ. ഇവരുടെ കൈയിലുള്ള പണം അടക്കം തീർന്ന് തുടങ്ങി. മലേഷ്യയിലെ ഇന്ത്യൻ എംബസി തിരിഞ്ഞ് നോക്കുന്നില്ലെന്നും മലയാളികൾ. കേരളത്തിലും തമിഴ്നാട്ടിൽ നിന്നുമുള്ളവരാണ് കുടുങ്ങിയത്. സംഘത്തിൽ 50-ൽ ഏറെ പേർ.

കൊവിഡ് 19 രോഗവ്യാപനം ആഗോളവിപണിയിലുണ്ടാക്കിയ മാന്ദ്യത്തെത്തുടർന്ന് ഓഹരിവിപണിയിൽ തകർച്ച. സെൻസെക്സ് 1900 പോയിന്റ് നഷ്ടത്തിൽ വ്യാപാരം തുടങ്ങി. നിഫ്റ്റി 546പോയിന്റ് നഷ്ടത്തിൽ 7939 പോയിന്‍റിൽ വ്യാപാരം തുടരുന്നു. 2016 ഡിസംബർ 27-നു ശേഷം നിഫ്റ്റി 8000 നു താഴെ പോകുന്നത് ഇതാദ്യമാണ്. ആഗോളവിപണിയിൽ ഉണ്ടായ നഷ്ടമാണ് ഇന്ത്യൻ ഓഹരി വിപണിയിലും പ്രതിഫലിക്കുന്നത്. 

രൂപയുടെ മൂല്യത്തിലും ഇടിവ്. വിനിമയനിരക്കിൽ ഡോളറിനെതിരെ 74.95എന്ന നിരക്കിലാണ് ഇന്ത്യൻ രൂപ. 

ക്രൂഡ് ഓയിൽ വിലയും തകർച്ചയിൽ. രാജ്യാന്തര വിപണിയിൽ ക്രൂഡ് ഓയിൽ വില ഇന്നും തകർച്ചയിലാണ്. ബ്രെൻഡ് ക്രൂഡ് ബാരലിന് 2.06% വില കുറഞ്ഞ് 27.24 ഡോളറിൽ എത്തി. രാജ്യാന്തര വിപണിയിൽ ഈ വർഷം 66 ഡോളറിൽ നിന്നാണ് 27.24 ഡോളറിലേക്ക് കൂപ്പുകുത്തിയത്. 

ജാഗ്രതകളിലും കരുതലിലും ഒരു മാറ്റവുമുണ്ടാവില്ല. പക്ഷേ, സർവകലാശാല പരീക്ഷകൾക്ക് മാറ്റമില്ല. എല്ലാ മുൻകരുതലോടെയും പരീക്ഷ നടത്തുമെന്ന് മന്ത്രി കെ ടി ജലീൽ. അതേസമയം, പരീക്ഷ മാറ്റിവയ്ക്കണമെന്നാവശ്യപ്പെട്ട് എ ബി വി പി പ്രവർത്തകർ ക്ലിഫ് ഹൗസിലേക്ക് മാർച്ച് നടത്തി. ഇതിനിടെ, കാലിക്കറ്റ് സർവകലാശാല കേന്ദ്രീകൃത മൂല്യനിർണയ ക്യാംപുകൾ ഒഴിവാക്കി. സിൻഡിക്കേറ്റിന്‍റേതാണ് തീരുമാനം. അധ്യാപകർ പേപ്പറുകൾ വീടുകളിൽ വച്ച് മൂല്യനിർണയം നടത്തിയാൽ മതിയാകും. പേപ്പർ ഏറ്റെടുക്കാനും മൂല്യനിർണയത്തിനു ശേഷം മാർക്കും പേപ്പറും തിരികെ നൽകാനും മാത്രമേ അധ്യാപകർ ക്യാംപിൽ എത്തേണ്ടതുള്ളൂ

മാഹിയിൽ ഉംറയ്ക്ക് പോയി വന്ന ഒരാൾക്ക് കൊവിഡ് സ്ഥിരീകരിച്ച പശ്ചാത്തലത്തിൽ രണ്ട് പേർ ആശുപത്രിയിലും 142 പേർ വീടുകളിലും നിരീക്ഷണത്തിൽ. പുതുച്ചേരി മുഖ്യമന്ത്രി വി. നാരായണസ്വാമി മാഹി സന്ദർശിച്ചു. മാഹി റീജിയണൽ അഡ്മിനിസ്ട്രേറ്റർ അമൻ ശർമ്മയുമായി ചർച്ച നടത്തി.

നിരീക്ഷണത്തിൽ കഴിയുന്നവരുടെ മൊബൈൽ ഫോണുകൾ ട്രാക്ക് ചെയ്യാൻ കർണാടക. നിരീക്ഷണത്തിലുള്ളവരുടെ ടവർ ലൊക്കേഷൻ മുഴുവൻ സമയം നിരീക്ഷിക്കും. 

കാസർകോട്ട് ഇന്നലെ രാത്രിയും ഇന്ന് പുലർച്ചെയുമായി ദുബായിൽ നിന്നെത്തിയവരെ എല്ലാം ഒരുമിച്ച് ഐസൊലേഷനിൽ പ്രവേശിപ്പിച്ചു. കാസറഗോഡ് ജനറൽ ആശുപത്രിയിലാണ് ഐസൊലേഷൻ വാർഡ്. പരിശോധനക്ക് ശേഷം വേണ്ടവരെ മാത്രം വീട്ടിലേക്ക് നിരീക്ഷണത്തിൽ വിടും. ജില്ലയിൽ ഇനി ലഭിക്കാനുള്ളത് ലഭിക്കാനുള്ളത്ത് 49 പേരുടെ പരിശോധനാ ഫലങ്ങൾ. 

പത്തനംതിട്ടയിൽ പുതുതായി ഒരാൾ കൂടി ആശുപത്രി ഐസൊലേഷനിൽ. ഐസൊലേഷനിൽ കഴിയുന്നത് ഗുജറാത്ത് സ്വദേശി. ഇതോടെ ആശുപത്രിയിൽ കഴിയുന്നവരുടെ എണ്ണം 17 ആയി. ഇന്ന് 10 പേരുടെ പരിശോധനാഫലം കൂടി പ്രതീക്ഷിക്കുന്നു. വാർഡ് തലത്തിൽ നിരീക്ഷണം ശക്തമാക്കി പത്തനംതിട്ട ജില്ലാ ഭരണകൂടം. വീടുകളിൽ നിരീക്ഷണത്തിൽ കഴിയുന്നവർ അവിടെത്തന്നെയുണ്ടെന്ന് ഉറപ്പു വരുത്തും. 

ആന്ധ്ര പ്രദേശിൽ ഒരാൾക്ക് കൂടി കൊവിഡ്. പ്രകാശം ജില്ലയിലാണ് രോഗം സ്ഥിരീകരിച്ചത്. സംസ്ഥാനത്തെ രണ്ടാമത്തെ കൊവിഡ് കേസാണിത്. 

ഇന്ന് ഉച്ചയ്ക്ക് 12 മണി മുതൽ വിലക്ക് നിലവിൽ വരും.

Read more at: താമസ വിസക്കാർക്ക് യുഎഇയില്‍ പ്രവേശന വിലക്ക്

ഹരിദ്വാറിൽ ഇന്ന് മുതൽ ഗംഗാ ആരതിക്ക് സന്ദർശകരെ അനുവദിക്കില്ല. ഈ മാസം 31 വരെയാണ് വിലക്ക്. ഭക്തർക്കായി ലൈവ് സ്ട്രീമിംഗ് ഏർപ്പെടുത്തുമെന്ന് അധികൃതർ.

ചണ്ഡീഗഡിൽ 23-കാരിക്ക് കൊവിഡ് സ്ഥിരീകരിച്ചു. ഇവർ അടുത്തിടെ യുകെ സന്ദർശിച്ചിരുന്നു. 

രാജ്യത്തേക്കുള്ള എല്ലാ അന്താരാഷ്ട്ര വിമാന സർവീസുകളും റദ്ദാക്കണമെന്ന് തെലങ്കാന സർക്കാർ. കേന്ദ്രസർക്കാരിനോട് ആവശ്യം ഉന്നയിച്ചു. 

വേണ്ടത് അതീവജാഗ്രതയാണ്. അതിന് വേണ്ട എല്ലാ മുന്നൊരുക്കങ്ങളിലേക്കുമാണ് ഇനി കേന്ദ്രസർക്കാർ നീങ്ങുക. ഇന്ന് വൈകിട്ട് 8 മണിക്ക് പ്രധാനമന്ത്രി നരേന്ദ്രമോദി രാജ്യത്തെ അഭിസംബോധന ചെയ്യും. ഇതിന് മുന്നോടിയായി നിർണായക യോഗങ്ങളാണ് ആരോഗ്യമന്ത്രാലയത്തിൽ അടക്കം നടക്കുന്നത്.

Read more at: യൂറോപ്പിന് ശേഷം കൊവിഡ് 19 ഹോട്‌സ്‌പോട്ട് ഇന്ത്യയാകാമെന്ന് വിദഗ്ധര്‍; വേണ്ടത് അതിജാഗ്രത

മലപ്പുറം നഗരസഭാ പരിധിയിലെ ബിവറേജസ് കോർപ്പറേഷന്‍റെ എല്ലാ മദ്യശാലകളുമാണ് അടച്ചിടാൻ തീരുമാനിച്ചിരിക്കുന്നത്.

Read more at: കൊവിഡ് 19: മലപ്പുറത്ത് മദ്യശാലകൾ അടച്ചിടാൻ തീരുമാനം

ഫിലിപ്പീൻസിൽ കുടുങ്ങിക്കിടക്കുന്ന മലയാളികൾ ഉൾപ്പടെ 400 മെഡിക്കൽ വിദ്യാർത്ഥികളെ മുഴുവനും തിരികെയെത്തിക്കാനായില്ല. ഇവരോട് വിമാനത്താവളത്തിൽ നിന്ന് പുറത്തിറങ്ങാൻ ആവശ്യപ്പെടുകയാണ് മനിലയിലെ വിമാനത്താവള അധികൃതർ. മനിലയ്ക്ക് പുറത്തു നിന്ന് സാധനങ്ങളെല്ലാമെടുത്ത് നാട്ടിലേക്ക് പോകാൻ വന്ന ഇവർ എവിടേയ്ക്ക് പോകും? ഇന്ത്യൻ എംബസി വ്യക്തമായ മറുപടിയും തരുന്നില്ല.

Read more at: ഫിലിപ്പിയൻസിൽ കുടുങ്ങിയ മലയാളി വിദ്യാർത്ഥികളെ വിമാനത്താവളത്തിൽ നിന്നും പുറത്താക്കി

സംസ്ഥാനത്തെ പരീക്ഷകൾക്ക് മാറ്റമില്ലെന്ന് പൊതുവിദ്യാഭ്യാസ ഡയറക്ടർ അറിയിച്ചു.

Read more at: കൊവിഡ് 19; സംസ്ഥാനത്തെ എസ്എസ്എല്‍സി, പ്ലസ്‍ടു പരീക്ഷകള്‍ക്ക് മാറ്റമില്ല

ഇറ്റലിയിൽ മരണസംഖ്യ കുതിച്ചുകയറുകയാണ്. യൂറോപ്യൻ രാജ്യങ്ങൾ അതീവ ആശങ്കയിൽ.

Read more at: ലോകത്ത് കൊവിഡ് മരണം 8944 ആയി; ഇറ്റലിയിൽ 24 മണിക്കൂറിനുള്ളിൽ മരിച്ചത് 475 പേര്‍

കാൽലക്ഷത്തിലധികം പേരാണ് നിരീക്ഷണത്തിലുള്ളത്. കഴിഞ്ഞ രണ്ട് ദിവസമായി പുതിയ കേസുകൾ ഇല്ലാത്തത് ആശ്വാസം. പക്ഷേ, ആശങ്കയൊഴിഞ്ഞിട്ടില്ല. സാമൂഹ്യവ്യാപനത്തിലേക്ക് (Community spread) പോകാതിരിക്കാൻ അതീവജാഗ്രത. 

Read more at: കൊവിഡിനെ നേരിടാൻ ജാഗ്രതയോടെ കേരളം; കാൽലക്ഷത്തിലധികം പേര്‍ നിരീക്ഷണത്തില്‍