Asianet News MalayalamAsianet News Malayalam

Rajeev Chandrasekhar|ഇന്ത്യക്ക് പുതിയ സാധ്യതകൾ; നൈപുണ്യ പരിശീലനം കൂട്ടും:കേന്ദ്രമന്ത്രി രാജീവ് ചന്ദ്രശേഖർ

കേരള സന്ദർശനത്തിന്റെ രണ്ടാം ദിവസമായ ഇന്ന് കേന്ദ്ര സഹമന്ത്രി രാജീവ് ചന്ദ്രശേഖർ കൊച്ചി ഹൈടെക്ക് പാർക്കിലെ സംരംഭകരെ കാണും. കളമശ്ശേരി മേക്കേഴ്സ് വില്ലേജിൽ കേന്ദ്ര ഐടി മന്ത്രിയെത്തുന്നത് വലിയ പ്രതീക്ഷയോടെയാണ് സംരംഭകരും ഉറ്റു നോക്കുന്നത്

union minister rajeev chandrasekhar said that vocational training centres will be expanded
Author
Kochi, First Published Nov 12, 2021, 12:01 PM IST

കൊച്ചി: കൊവിഡിന്റെ (covid)19 മാസത്തെ അടച്ചിടൽ (lockd down) ഇന്ത്യക്ക് മുന്നിൽ പുതിയ സാധ്യത തുറക്കുന്നുവെന്ന് കേന്ദ്ര സഹമന്ത്രി രാജീവ് ചന്ദ്രശേഖർ(rajiv chandrasekhar). നൈപുണ്യ തൊഴിൽ പരിശീലന൦ കിട്ടിയവർക്ക് ആഗോള സാധ്യത തുറക്കു‌കയാണ്. ജൻ ശിക്ഷൻ സൻസ്ഥാൻ പോലെ തൊഴിൽ നൈപുണ്യ പരിശീലന സ്ഥാപനങ്ങളുടെ എണ്ണം ഇരട്ടിയാക്കാനാണ് കേന്ദ്രസർക്കാർ ലക്ഷ്യമിടുന്നതെന്നും രാജീവ് ചന്ദ്രശേഖർ കൊച്ചിയിൽ പറഞ്ഞു.എറണാകുളം ജൻ ശിക്ഷൻ സൻസ്ഥാൻ പരിപാടിയിൽ പങ്കെടുക്കുകയായിരുന്നു കേന്ദ്ര സഹമന്ത്രി രാജീവ് ചന്ദ്രശേഖർ

കേരള സന്ദർശനത്തിന്റെ രണ്ടാം ദിവസമായ ഇന്ന് കേന്ദ്ര സഹമന്ത്രി രാജീവ് ചന്ദ്രശേഖർ കൊച്ചി ഹൈടെക്ക് പാർക്കിലെ സംരംഭകരെ കാണും. കളമശ്ശേരി മേക്കേഴ്സ് വില്ലേജിൽ കേന്ദ്ര ഐടി മന്ത്രിയെത്തുന്നത് വലിയ പ്രതീക്ഷയോടെയാണ് സംരംഭകരും ഉറ്റു നോക്കുന്നത്. കൊച്ചിയിലെ ആർഎസ്എസ് ആസ്ഥാനത്തും നാളെ ഉച്ചയ്ക്ക് ശേഷം മന്ത്രിയെത്തും. തുടർന്ന് CMFRI ൽ നടക്കുന്ന യോഗത്തിൽ കൊച്ചിയിലെ വിവിധ സ്ഥാപന മേധാവികൾ, സാന്പത്തിക വിദഗ്ധർ, വ്യവസായികൾ, സംരംഭകർ തുടങ്ങിയവരുമായി രാജ്യത്തിന്റെ പൊതു സാന്പത്തിക സ്ഥിതി സംബന്ധിച്ച് മന്ത്രി ആശയങ്ങൾ പങ്കുവെയ്ക്കും.ഇതിന് ശേഷം കൊച്ചിയിൽ നിന്ന് മന്ത്രി തിരുവനന്തപുരത്തേക്ക് തിരിക്കും

കഴിഞ്ഞ ദിവസം സംസ്ഥാനത്തെ ഏക DRDO ലബോറട്ടറി ആയ കൊച്ചി നേവൽ ഫിസിക്കൽ ഓഷ്യാനോഗ്രഫിക് ലബോറട്ടറി കേന്ദ്രസഹമന്ത്രി രാജീവ് ചന്ദ്രശേഖർ സന്ദർശിച്ചു. NPOL ൽ ആസാദി കാ അമൃത് മഹോത്സവത്തിന്റെ ഭാഗമായി സംഘടിപ്പിച്ച പരിപാടിയിൽ അദ്ദേഹം അദ്ധ്യക്ഷനായി. സമുദ്രാന്തര നിരീക്ഷണ സാങ്കേതിക സംവിധാനങ്ങളിൽ NPOL നടത്തുന്ന ഗവേഷണ, വികസന പ്രവർത്തനങ്ങളെക്കുറിച്ച് ഡയറക്ടർ ശ്രീ വിജയൻ പിള്ള കേന്ദ്രമന്ത്രിയോട് വിശദീകരിച്ചു. അടുത്ത 20 വർഷത്തേക്കുള്ള എൻ‌പി‌ഒ‌എല്ലിന്റെ പദ്ധതികളും ഇന്ത്യൻ നാവികസേനയ്‌ക്കായി ഏറ്റെടുത്തിരിക്കുന്ന ദൗത്യങ്ങളും ചർച്ചയായി


 

Follow Us:
Download App:
  • android
  • ios