പാകിസ്ഥാന് താക്കീതുമായി ട്രംപ്: അതിര്‍ത്തിയിലെ തീവ്രവാദം ഇല്ലാതാക്കണം - Live

മൊട്ടേര സ്റ്റേഡിയത്തില്‍ നമസ്തേ ട്രംപ് പരിപാടി അവസാനിച്ചു. 
പരസ്പരം പുകഴ്ത്തിയും മൊട്ടേര സ്റ്റേഡിയത്തില്‍ നമസ്തേ ട്രംപ് പരിപാടി അവസാനിച്ചു. 
പരസ്പരം പുകഴ്ത്തിയും നന്ദി പറഞ്ഞും മോദിയും ട്രംപും
പ്രസംഗത്തിനിടെ ഇരുനേതാക്കളും തങ്ങളുടെ ഭരണനേട്ടങ്ങള്‍ എണ്ണി പറഞ്ഞു. 
കനത്ത ചൂടിലും സ്റ്റേഡിയത്തില്‍ എത്തിയത് ഒരു ലക്ഷത്തോളം പേര്‍ 

ഐക്യമാണ് ഇന്ത്യയുടെ സവിശേഷത
ട്രംപിന്‍റെ നല്ല വാക്കുകള്‍ക്ക് നന്ദി പറഞ്ഞ് മോദി 
ജനങ്ങളുടെ സുരക്ഷ ഉറപ്പു വരുത്താന്‍ രാജ്യത്തിന് അവകാശമുണ്ട്
പുതിയ ഇന്ത്യയുടെ തുടക്കമാണ് ഇന്നെന്ന് മോദി 
ലോകത്തിലെ ഏറ്റവും വലിയ സ്റ്റേഡിയം ഇന്ത്യ യാഥാര്‍ത്ഥ്യമാക്കി 

സ്വന്തം അതിർത്തി സംരക്ഷിക്കാൻ എല്ലാ രാജ്യങ്ങൾക്കും അവകാശമുണ്ട്. ഓരോ രാജ്യത്തിന്റെ നയം അനുസരിച്ചാണ് അത്തരം തീരുമാനങ്ങൾ. പാക്കിസ്ഥാനുമായി നല്ല സൗഹൃദമാണ് ഇന്ത്യയ്ക്കുള്ളത്. അതിർത്തിയിലെ തീവ്രവാദ പ്രവർത്തനം ഇല്ലാതാക്കാൻ പാക്കിസ്ഥാൻ ശ്രമിക്കണം . ഇന്ത്യയും അമേരിക്കയും ഒരുപോലെ തീവ്രവാദ ഭീഷണികൾ നേരിട്ടു. തീവ്രവാദത്തിനെതിരെ ഇന്ത്യയും അമേരിക്കയും യോജിച്ച് മുന്നോട്ടുപോകും. തീവ്രവാദത്തിന് മുന്നിൽ അതിർത്തികൾ അടയ്ക്കണം. മൂന്ന് ബില്ല്യണ്‍ ഡോളറിന്‍റെ പ്രതിരോധകരാറില്‍ ഇന്ത്യയും അമേരിക്കയും ഒപ്പുവയ്ക്കുമെന്നും ട്രംപ്. 

ടൈഗര്‍ ട്രെയല്‍സ് എന്ന പേരില്‍ ഇന്ത്യ-അമേരിക്ക വ്യോമസേനകള്‍ സംയുക്ത പരിശീലനം സംഘടിപ്പിച്ചിരുന്നു. ചരിത്രത്തിലാദ്യമായാണ് ഇങ്ങനെയൊരു പരിപാടി നടക്കുന്നത്. ലോകത്തെ ഏറ്റവും മികച്ച ആയുധങ്ങളും യുദ്ധവിമാനങ്ങളും മിസൈല്‍ പ്രതിരോധസംവിധാനങ്ങളും അമേരിക്കയിലുണ്ട്. ഇന്ത്യയിലെ ഏറ്റവും പ്രധാനപ്പെട്ട പ്രതിരോധ പങ്കാളിയായി യുഎസ് മാറണം എന്നാണ് എന്‍റെ ആഗ്രഹം. ആ നിലയ്ക്കാണ് ഇപ്പോള്‍ നമ്മുടെ ചര്‍ച്ചകള്‍ നടക്കുന്നത്. തീവ്രവാദത്തിന്‍റെ ഇരകളാണ് ഇന്ത്യയും അമേരിക്കയും. സിറിയയിലേയും ഇറാഖിലേയും ഐഎസ് ഭീകരശൃംഖലയെ നമ്മള്‍ തുടച്ചു നീക്കി കഴിഞ്ഞു. ഐഎസ് തലവന്‍ ബാഗ്ദാദിയെ അടക്കം യുഎസ് സൈന്യം വധിച്ചു. 

ഗാന്ധി ഗൃഹമായ സബര്‍മതി ആശ്രമം സന്ദര്‍ശിക്കാന്‍ സാധിച്ചതില്‍ സന്തോഷമെന്ന് ഡൊണാള്‍ഡ് ട്രംപ്. ഇന്ന് തന്നെ താജ്മഹല്‍ സന്ദര്‍ശിക്കുമെന്നും ഗാന്ധിജിയുടെ സമാധി സ്ഥലമായ രാജ്ഘട്ട് സന്ദര്‍ശിക്കുമെന്നും ട്രംപ് 

അമേരിക്കയുടെ വികസനത്തിന് അവിടെയുള്ള 40 ലക്ഷം ഇന്ത്യക്കാര്‍ നല്‍കിയ സംഭാവന വളരെ വലുതാണ്. അതിന് എന്നും അമേരിക്ക നിങ്ങളോട് കടപ്പെട്ടിരിക്കും. 

ബോളിവുഡ് സിനിമകളെ പുകഴ്ത്തി പ്രസിഡന്‍റെ ട്രംപ്. സച്ചിനും വിരാട് കോലിക്കും ജന്മം നല്‍കിയ നാടാണ് ഇന്ത്യ. സര്‍ദാര്‍ വല്ലഭായ് പട്ടേലിനേയും ട്രംപ് സ്മരിച്ചു. ദീപാവലിയും ഹോളിയും ട്രംപിന്‍റെ പ്രസംഗത്തില്‍ പരാമര്‍ശിക്കപ്പെട്ടു. 

ഭൂമിയുടെ അങ്ങേ അറ്റത്തു നിന്നും ഇങ്ങേയറ്റം വരെ 8000 മൈല്‍ യാത്ര ചെയ്തു ഞങ്ങള്‍ വന്നത് ഒരു കാര്യം പറയാനാണ്. അമേരിക്ക ഇന്ത്യയെ സ്നേഹിക്കുന്നു. അമേരിക്ക ഇന്ത്യയെ ബഹുമാനിക്കുന്നു. അമേരിക്ക എന്നും ഇന്ത്യയുടെ വിശ്വസ്തനായ സുഹൃത്തായിരിക്കും. അഞ്ച് മാസം മുന്‍പ് ടെക്സാസിലെ വലിയൊരു ഫുട്ബോള്‍ സ്റ്റേഡിയത്തില്‍ വച്ചാണ് പ്രധാനമന്ത്രി മോദിയെ അമേരിക്ക വരവേറ്റത്. ഇന്ന് ലോകത്തെ ഏറ്റവും വലിയ ക്രിക്കറ്റ് സ്റ്റേഡിയത്തില്‍ വച്ച് ഇന്ത്യ ഞങ്ങളെ സ്വാഗതം ചെയ്യുന്നു. ഈ സ്വീകരണം ഞങ്ങളൊരിക്കലും മറക്കില്ല. ഞങ്ങളുടെ ഹൃദയത്തില്‍ ഇന്ത്യയ്ക്ക് എന്നും പ്രത്യേക ഇടമുണ്ടാകും. ചായ വില്‍പനക്കാരനായി ജീവിതം ആരംഭിച്ചയാളാണ് മോദി. എല്ലാരും അദ്ദേഹത്തെ സ്നേഹിക്കുന്നു പക്ഷേ ഞാന്‍ പറയട്ടെ മോദി വളരെ ശക്തനായ ഒരാളാണ്.

ഇന്ത്യ - അമേരിക്ക ബന്ധം ഒരുപാട് കാലം മുന്നോട്ടുപോകും
അമേരിക്ക സ്റ്റാച്യു ഓഫ് ലിബർട്ടിയിൽ അഭിമാനം കൊള്ളുമ്പോൾ ഇന്ത്യ സ്റ്റാച്വു ഓഫ് യൂണിറ്റിയിൽ അഭിമാനം കൊള്ളുന്നു
ഇന്ത്യക്കും അമേരിക്കും ഒരുപാട് സമാനതകളെന്ന് മോദി
അമേരിക്കക്ക് വേണ്ടി ചെയ്ത നല്ല കാര്യങ്ങളുടെ ഫലം ട്രംപിന് കിട്ടുമെന്നും മോദി

മെലാനിയ ട്രംപ് കുട്ടികൾക്കായി ചെയ്യുന്ന സേവനങ്ങൾ അഭിമാനകരം

എന്‍റേയും ഇന്ത്യയുടേയും സുഹൃത്തായ ട്രംപിനെ ഞാന്‍ നിങ്ങള്‍ക്ക് മുന്നില്‍ അവതരിപ്പിക്കുന്നു

ലോകത്തെ ഏറ്റവും വലിയ ജനാധിപത്യ രാജ്യത്തിലേക്ക് സ്വാഗതം. 
ഇതു ഗുജറാത്താണ് എന്നാല്‍ നിങ്ങളെ വരവേല്‍ക്കുന്നത് മൊത്തം രാജ്യവും ചേര്‍ന്നാണ്. 
ചരിത്രം ഇന്ന് ആവര്‍ത്തിക്കുകയാണ്
അഞ്ച് മാസം മുന്‍പ് ഹൗഡി മോഡിയിലൂടെ ഞാന്‍ യുഎസ് സന്ദര്‍ശനം തുടങ്ങി
ഇന്ന് നമസ്തേ ട്രംപിലൂടെ ട്രംപ് അദ്ദേഹത്തിന്‍റെ ഇന്ത്യന്‍ യാത്ര തുടങ്ങുന്നു 

ഇന്ത്യ-യുഎസ് ബന്ധം എക്കാലത്തേയും ഏറ്റവും ശക്തമായ നിലയിലെന്ന് മോദി 
ട്രംപിനേയും മെലാന ട്രംപിനേയും സ്വാഗതം ചെയ്ത് ഇന്ത്യ
ഇന്ത്യ- യുഎസ് സൗഹൃദത്തില്‍ കുറഞ്ഞകാലം കൊണ്ട് വലിയമാറ്റം വന്നെന്ന് മോദി 

ഭാരത് മാതാ കീ ജയ് വിളിച്ച് മോദിയുടെ പ്രസംഗം തുടങ്ങി
സ്റ്റേഡിയത്തില്‍ മോദി... മോദി... വിളി മുഴങ്ങുന്നു
നമസ്തേ ട്രംപ് എന്ന് മൂന്ന് വട്ടം ആവര്‍ത്തിച്ച് വിളിച്ച് മോദി

റോഡ് ഷോ അല്‍പം നീണ്ടു പോകുകയും സബര്‍മതി ആശ്രമത്തില്‍ കൂടുതല്‍ സമയം ചിലവഴിക്കുകയും ചെയ്തതോടെ നമസ്തേ ട്രംപ് പരിപാടി അല്‍പം വൈകിയാണ് ആരംഭിക്കുന്നത്.

ലോകത്തെ ഏറ്റവും വലിയ ക്രിക്കറ്റ് സ്റ്റേഡിയമാണ് മൊട്ടേരയിലേത് മൊട്ടേര സ്റ്റേഡിയത്തില്‍ ഒരുക്കിയത് വന്‍ സുരക്ഷ ട്രംപിനൊപ്പം എത്തിയ പ്രതിനിധി സംഘത്തിന് പ്രത്യേകം പവലിയന്‍ വിവിധ രാജ്യങ്ങളിലെ പ്രതിനിധികളും പരിപാടിക്ക് എത്തിയിട്ടുണ്ട്

മൊട്ടേര സ്റ്റേഡിയത്തില്‍ ട്രംപിനെ വരവേല്‍ക്കാന്‍ എത്തിയത് ലക്ഷക്കണക്കിനാളുകള്‍
പ്രധാനമന്ത്രിക്കൊപ്പം കേന്ദ്രമന്ത്രിമാരും പരിപാടിക്കെത്തി

നമസ്തേ ട്രംപ് പരിപാടിക്കായി ട്രംപും മോദിയും മൊട്ടേര സ്റ്റേഡിയത്തില്‍ എത്തി 

നമസ്തേ ട്രംപ് പരിപാടിക്കായി ട്രംപും മോദിയും മൊട്ടേര സ്റ്റേഡിയത്തിലേക്ക് തിരിച്ചു
റോഡ് ഷോ നേരത്തെ അവസാനിപ്പിച്ച് ട്രംപ് സബര്‍മതി ആശ്രമത്തില്‍ എത്തി
ആശ്രമത്തിലെ സന്ദര്‍ശനം പൂര്‍ത്തിയാക്കി ഇരുനേതാക്കളും സ്റ്റേഡിയത്തിലേക്ക് തിരിച്ചു 

സബര്‍മതി ആശ്രമത്തില്‍ ഗാന്ധിജിക്ക് ആദരം അര്‍പ്പിച്ച് ട്രംപ്
ആശ്രമത്തിലെ ചര്‍ക്കയില്‍ ട്രംപ് നൂല്‍ നൂറ്റു.
ആശ്രമത്തിലെ സന്ദര്‍ശക ഡയറിയില്‍ ട്രംപ് എഴുതുന്നു
ട്രംപിനെ ആശ്രമത്തിലേക്ക് സ്വാഗതം ചെയ്ത് പ്രധാനമന്ത്രി നരേന്ദ്രമോദി 

ഡൊണാള്‍ഡ് ട്രംപും പത്നി മെലാനിയയും സബര്‍മതി ആശ്രമത്തിലെത്തി 
ട്രംപിന് മുന്‍പേ ആശ്രമത്തിലെത്തിയ മോദി അദ്ദേഹത്തെ വരവേറ്റു 
ഗാന്ധിജിയുടെ ചിത്രത്തിന് ട്രംപും മോദിയും ചേര്‍ന്ന് മാലയിട്ടു
ആശ്രമത്തിന് അകത്തേക്ക് മോദിയും ട്രംപും പ്രവേശിച്ചു.