കോവിഡിന് ശേഷം, ഓടിപ്പോവുന്ന ഇന്ത്യക്കാരുടെ എണ്ണം 30 മടങ്ങ് ആയി വര്ധിച്ചെന്ന് ശിവദാസൻ എംപി.
ദില്ലി: ലക്ഷക്കണക്കിന് ഇന്ത്യക്കാരാണ് ഓരോ വര്ഷവും നിയമവിരുദ്ധമായ മാര്ഗങ്ങളിലൂടെ രാജ്യത്ത് നിന്നും പലായനം ചെയ്യുന്നതെന്ന് വി ശിവദാസന് എംപി. കൊവിഡിന് ശേഷം, രാജ്യം വിടുന്നവരുടെ എണ്ണം 30 മടങ്ങ് ആയി വര്ധിച്ചു. 2020-21ല് 30,662 പേരാണ് അമേരിക്കയിലേക്ക് നിയമവിരുദ്ധ മാര്ഗങ്ങളിലൂടെ പോയത്. 2021-22ലും നിയമവിരുദ്ധ കുടിയേറ്റം ഇരട്ടിയായി. ആ വർഷം 63,927 പേരാണ് നിയമവിരുദ്ധമായി ഇന്ത്യയില് നിന്നും അമേരിക്കയില് എത്താന് ശ്രമിച്ചത്. 2022-23ല് 96,917 പേരാണ് അമേരിക്കയില് നുഴഞ്ഞു കയറാന് ശ്രമിച്ചതെന്നും വിദേശകാര്യ മന്ത്രാലയം രാജ്യസഭയില് നല്കിയ കണക്കുകള് പ്രകാരമാണ് ഇക്കാര്യം വ്യക്തമാക്കുന്നതെന്നും ശിവദാസന് എംപി പറഞ്ഞു.
വി ശിവദാസന്റെ കുറിപ്പ്: നടുക്കുന്ന ഇന്ത്യന് യാഥാര്ഥ്യം. ലക്ഷക്കണക്കിന് ഇന്ത്യക്കാരാണ് ഓരോ വര്ഷവും നിയമവിരുദ്ധമായ മാര്ഗങ്ങളിലൂടെ രാജ്യത്ത് നിന്നും പലായനം ചെയ്യുന്നത്. അമേരിക്കയിലേക്ക് മാത്രം പലായനം ചെയ്യുന്നവരുടെ എണ്ണം ഒരു ലക്ഷത്തോളമാണ് എന്ന് വിദേശകാര്യമന്ത്രാലയം എനിക്ക് രാജ്യസഭയില് നല്കിയ കണക്കില് നിന്നും വ്യക്തമാകുന്നു.
2018-19 ല് 8027 ഇന്ത്യക്കാരാണ് യുഎസില് നുഴഞ്ഞു കയറിയത്. കോവിഡിന്റെ സാഹചര്യത്തില് ഈ സംഖ്യ, 2019-20 ല് 1227 ആയി. കോവിഡിന് ശേഷം, ഓടിപ്പോവുന്ന ഇന്ത്യക്കാരുടെ എണ്ണം 30 മടങ്ങ് ആയി വര്ധിച്ചു. 2020-21ല് 30662 പേരാണ് ഇത്തരത്തില് അമേരിക്കയിലേക്ക് ഓടിപ്പോയത്. 2021-22 ലും നിയമവിരുദ്ധകുടിയേറ്റം ഇരട്ടിയായി. 63927 പേരാണ് നിയമവിരുദ്ധമായി ഇന്ത്യയില് നിന്നും അമേരിക്കയില് എത്താന് ശ്രമിച്ചത്. 2022-23 ല് 96,917 പേരാണ് അമേരിക്കയില് നുഴഞ്ഞു കയറാന് ശ്രമിച്ചത്. ബിജെപിയുടെ പ്രചാരവേലയുടെ പൊള്ളത്തരം തുറന്നു കാട്ടുന്ന കണക്കുകള് ആണിത്.
വടകര സംഭവത്തില് ബസ് ജീവനക്കാര്ക്ക് 'വമ്പന് പണി'; 'പാഠവും പഠിപ്പിക്കും'
