ദില്ലി മദ്യനയ കേസ്, വിജയ് നായര് 5 ദിവസത്തെ കസ്റ്റഡിയില്, ഫോണിലെ വിവരങ്ങള് ഡിലീറ്റ് ചെയ്തനിലയിലെന്ന് സിബിഐ
ചോദ്യം ചെയ്യാനായി 7 ദിവസം കസ്റ്റഡിയില് വേണമെന്നായിരുന്നു സിബിഐയുടെ ആവശ്യം. മദ്യനയ കേസില് അഞ്ചാം പ്രതിയാണ് വിജയ് നായർ.
ദില്ലി: മദ്യനയ കേസില് അറസ്റ്റിലായ മലയാളി വിജയ് നായരെ അഞ്ച് ദിവസത്തെ സിബിഐ കസ്റ്റഡിയില് വിട്ടു. ദില്ലി റോസ് അവന്യൂ കോടതിയിലാണ് പ്രതിയെ സിബിഐ ഇന്ന് ഹാജരാക്കിയത്. വിജയ് നായരുടെ മൊബൈല് ഫോണിലെ വിവരങ്ങളെല്ലാം ഡിലീറ്റ് ചെയ്ത നിലയിലാണെന്നും, പ്രതി ചോദ്യം ചെയ്യലിനോട് സഹകരിക്കുന്നില്ലെന്നും സിബിഐ കോടതിയെ അറിയിച്ചു. ചോദ്യം ചെയ്യാനായി 7 ദിവസം കസ്റ്റഡിയില് വേണമെന്നായിരുന്നു സിബിഐയുടെ ആവശ്യം. മദ്യനയ കേസില് അഞ്ചാം പ്രതിയാണ് വിജയ് നായർ.