അയോധ്യ വിമാനത്താവളത്തിന് ശ്രീരാമന്‍റെ പേര്; നിര്‍ദ്ദേശത്തിന് മന്ത്രിസഭയുടെ അംഗീകാരം
ഇത് സംബന്ധിച്ച് കേന്ദ്ര വ്യോമയാന മന്ത്രാലയത്തിന് പ്രമേയം സമര്‍പ്പിക്കുമെന്നും യുപി മന്ത്രിസഭ വിശദമാക്കി. വിമാനത്താവളത്തിനായി സ്ഥലം ഏറ്റെടുക്കാനുള്ള നടപടികള്‍ പുരോഗമിക്കുകയാണെന്ന് യു സര്‍ക്കാര്‍
ലക്നൌ: അയോധ്യ വിമാനത്താവളത്തിന്റെ പേര് ശ്രീ രാമന്‍റെ പേരിലേക്ക് മാറ്റണമെന്ന നിര്‍ദ്ദേശത്തിന് ഉത്തര്‍ പ്രദേശ് മന്ത്രിസഭയുടെ അംഗീകാരം. ചൊവ്വാഴ്ച ചേര്‍ന്ന മന്ത്രിസഭയുടേതാണ് തീരുമാനം. അയോധ്യയിലെ വിമാനത്താവളത്തിന്റെ പേര് മര്യാദാ പുരുഷോത്തം ശ്രീരാം വിമാനത്താവളം എന്നാണ് ആക്കുക.
ഇത് സംബന്ധിച്ച് കേന്ദ്ര വ്യോമയാന മന്ത്രാലയത്തിന് പ്രമേയം സമര്‍പ്പിക്കുമെന്നും യുപി മന്ത്രിസഭ വിശദമാക്കി. വിമാനത്താവളത്തിനായി സ്ഥലം ഏറ്റെടുക്കാനുള്ള നടപടികള്‍ പുരോഗമിക്കുകയാണെന്ന് യു സര്‍ക്കാര്‍ പ്രസ്താവനയില്‍ വ്യക്തമാക്കി. അയോധ്യയെ ലോകത്തിലെ തന്നെ തീര്‍ത്ഥാടന കേന്ദ്രമാക്കാനുള്ള ഒരുക്കത്തിലാണ് യുപി സര്‍ക്കാര്‍.
വിമാനത്താവളത്തിന്റെ പേര് ശ്രീരാമന്‍റേത് ആകുന്നതോടെ ലോകത്തിലെ തന്നെ തീര്‍ത്ഥാടന കേന്ദ്രങ്ങളുടെ പട്ടികയില്‍ അയോധ്യ ഇടം പിടിക്കുന്നത് കൂടിയാവും എന്നാണ് ഉപമുഖ്യമന്ത്രി കേശവ് പ്രസാദ് മൌര്യ വിശദമാക്കിയത്. 321ാളം നിര്‍ദ്ദേശങ്ങളാണ് ചൊവ്വാഴ്ച യുപി മന്ത്രി സഭയുടെ അംഗീകാരം നേടിയത്.
