രോഗവ്യാപനം തടയാന് പാകിസ്ഥാന് കൃത്യമായി ഇടപെടുന്നുണ്ടെന്ന് റേഡിയോ പാകിസ്ഥാന് റിപ്പോര്ട്ട് ചെയ്തു. കൊവിഡിനെ നേരിടാന് ശക്തമായ നടപടികള് സ്വീകരിക്കുമെന്ന് പ്രധാനമന്ത്രി ഇമ്രാന് ഖാന് പറഞ്ഞു.
ഇസ്ലാമാബാദ്: പാകിസ്ഥാനിലും കൊവിഡ് 19 കേസുകള് മൂവായിരത്തിനടുത്തേക്ക്. പഞ്ചാബ് പ്രവിശ്യയില് രോഗബാധിതരുടെ എണ്ണം ആയിരം കടന്നു. രോഗബാധിതരില് പകുതിയും പഞ്ചാബ് പ്രവിശ്യയില് നിന്നുള്ളവരാണ്. 40 മരിച്ചെന്ന് നാഷണല് ഹെല്ത്ത് കമ്മീഷന് അറിയിച്ചു. 130 പേര്ക്ക് രോഗം ഭേദമായി. പഞ്ചാബില് 1072 കേസുകള് റിപ്പോര്ട്ട് ചെയ്തു. സിന്ധ് 839 പേര്ക്കും ഖൈബര് പഖ്്തൂണ്ക്വ 343, ബലൂചിസ്ഥാന് 175, ഗില്ജിത്-ബാള്ട്ടിസ്ഥാന് 193, ഇസ്ലാമാബാദ് 75, പാക് അധീന കശ്മീര് 11 എന്നിങ്ങനെയാണ് പാകിസ്ഥാനിലെ കണക്ക്.
കഴിഞ്ഞ ദിവസമാണ് കൊവിഡ് വ്യാപനം തടയാന് 20 കോടി ഡോളര് ലോകബാങ്ക് അനുവദിച്ചിരുന്നു. രോഗവ്യാപനം തടയാന് പാകിസ്ഥാന് കൃത്യമായി ഇടപെടുന്നുണ്ടെന്ന് റേഡിയോ പാകിസ്ഥാന് റിപ്പോര്ട്ട് ചെയ്തു. കൊവിഡിനെ നേരിടാന് ശക്തമായ നടപടികള് സ്വീകരിക്കുമെന്ന് പ്രധാനമന്ത്രി ഇമ്രാന് ഖാന് പറഞ്ഞു.
