ബാഗ്ദാദിലെ ആശുപത്രിയിലെ തീപിടുത്തം; 82 പേരുടെ മരണത്തിൽ ആരോഗ്യമന്ത്രിക്ക് സസ്പെൻഷൻ
ബാഗ്ദാദിലെ ഇബ്ന് അൽ ഖതീബ് ആശുപത്രിയിലുണ്ടായ അപകടത്തിൽ 110 പേർക്ക് ഗുരുതരമായി പരിക്കേറ്റിട്ടുണ്ട്...
ബാഗ്ദാദ്: 82 പേരുടെ മരണത്തിന് കാരണമായ ആശുപത്രിയിലുണ്ടായ തീപിടുത്തത്തെ തുടർന്ന് ബാഗ്ദാദിലെ ആരോഗ്യമന്ത്രിക്ക് സസ്പെൻഷൻ. ശനിയാഴ്ചയാണ് ആശുപത്രിയിൽ തീപിടുത്തമുണ്ടായത്.
ഓക്സിജൻ ടാങ്കിലുണ്ടായ പൊട്ടിത്തെറിയാണ് അപകടത്തിന് കാരണം. ബാഗ്ദാദിലെ ഇബ്ന് അൽ ഖതീബ് ആശുപത്രിയിലുണ്ടായ അപകടത്തിൽ 110 പേർക്ക് ഗുരുതരമായി പരിക്കേറ്റിട്ടുണ്ട്.
ഞായറാഴ്ച ചേർന്ന യോഗത്തിൽ ബാഗ്ദാദിലെ ഓദ്യോഗിക വൃത്തങ്ങളെ കുറ്റപ്പെടുത്തിയ പ്രധാനമന്ത്രി, ആരോഗ്യമന്ത്രിയെയും ഗവർണറെയും സസ്പെന്റ് ചെയ്തു. സംഭവത്തിൽ മന്ത്രാലയം അന്വേഷണത്തിന് ഉത്തരവിട്ടു.