ജെ​റു​സ​ലം: ഇ​സ്ര​യേ​ലി​ൽ നി​ന്ന് ഈ​ജി​പ്തി​ലേ​ക്കു​ള്ള ഗ്യാ​സ് ലൈ​ൻ തീവ്രവാദികള്‍ അ​ഗ്നി​ക്കി​ര​യാ​ക്കി. സി​നാ​യ് പ്ര​ദേ​ശ​ത്തു​ള്ള ഗ്യാ​സ് ലൈ​ന്‍റെ ഭാ​ഗ​ങ്ങ​ളാ​ണ് ആറ് തീവ്രവാദികള്‍ ക​ത്തി​ച്ച​ത്. അ​ൽ​ജ​സീ​റ അ​റ​ബി​ക് ആ​ണ് ഇ​ത് സം​ബ​ന്ധി​ച്ച വി​വ​രം പു​റ​ത്തു​വി​ട്ട​ത്. ഈ​ജി​പ്തി​ലേ​ക്കു​ള്ള നാ​ചു​റ​ൽ ഗ്യാ​സി​ന്‍റെ നീ​ക്കം പൂ​ർ​ണ​മാ​യും ത​ട​സ​പ്പെ​ടു​ത്താ​ൻ ല​ക്ഷ്യ​മി​ട്ടു​ള്ള​താ​ണ് സം​ഭ​വ​മെ​ന്ന് ഇ​സ്ര​യേ​ൽ ആ​രോ​പി​ച്ചു.

തീരദേശ പട്ടണമായ ബിര്‍ ഇല്‍ അബ്ദിന് കിഴക്കുമാറിയാണ് ഗ്യാസ് പൈപ്പ് ലൈന്‍ ആക്രമിക്കപ്പെട്ടത്. സംഭവത്തെക്കുറിച്ച് ഗൗരവമായി അന്വേഷിക്കുകയാണെന്നും, എല്ലാ അധികൃതരുമായി വിവരങ്ങള്‍ സംയോജിപ്പിച്ച് സ്ഥിതിഗതികള്‍ വിലയിരുത്തുന്നുണ്ടെന്നും ഇസ്രയേല്‍ മന്ത്രാലയം വ്യക്തിമാക്കി.

അ​തേ​സ​മ​യം, പൈ​പ്പ് ലൈ​ൻ ക​ത്തി​ച്ച​ത് ഗ്യാ​സ് നീ​ക്ക​ത്തെ ത​ട​സ​പ്പെ​ടു​ത്തി​യി​ട്ടി​ല്ലെ​ന്നും ഗ്യാ​സ് നീ​ക്കം ഇ​പ്പോ​ഴും സു​ഗ​മ​മാ​യി തു​ട​രു​ന്നു​ണ്ടെ​ന്നും ഇ​സ്ര​യേ​ൽ ഊ​ർ​ജ​മ​ന്ത്രി യു​വാ​ൽ സ്റ്റെ​യി​നി​റ്റ്സ് പ​റ​ഞ്ഞു. ഇസ്രയേല്‍ മന്ത്രിയുടെ വാക്കുകള്‍ സ്ഥിരീകരിച്ച് പൈപ്പ് ലൈന്‍റെ കോപ്പറേറ്റ് പങ്കാളി രംഗത്ത് എത്തി. ഇസ്രയേലിന്‍റെ ലെവിയാത്തന്‍ ഗ്യാസ് ഫീല്‍ഡില്‍ നിന്നാണ് പൈപ്പ് ലൈന്‍ ആരംഭിക്കുന്നത്. ഇസ്രയേല്‍ കമ്പനി ഡെല്‍റിക്ക് ഡ്രില്ലിംഗും, അമേരിക്കന്‍ കമ്പനി നോബിള്‍ എനര്‍ജിയും ചേര്‍ന്നാണ് ഈ ഗ്യാസ് ഫീല്‍ഡ് നടത്തുന്നത്.