യുഎഇയിൽ തുടർച്ചയായ നാല് മാസത്തെ വർധനവിന് ശേഷം ജൂലൈ മാസത്തെ ഇന്ധനവിലയിൽ കാര്യമായ കുറവ് പ്രഖ്യാപിച്ചു. പെട്രോൾ, ഡീസൽ എന്നിവയുടെ പുതിയ നിരക്കുകൾ ജൂലൈ 1 മുതൽ പ്രാബല്യത്തിൽ വന്നു, ഇത് വാഹന ഉടമകൾക്ക് വലിയ ആശ്വാസം നൽകുന്നു.
ദുബായ്: യുഎഇയിൽ തുടർച്ചയായ നാല് മാസത്തെ വർധനവിന് ശേഷം ഇന്ധനവിലയിൽ വൻ കുറവ്. ജൂലൈ മാസത്തെ പുതുക്കിയ ഇന്ധന നിരക്കുകൾ അധികൃതർ പ്രഖ്യാപിച്ചു. ജൂലൈ 1 മുതൽ പ്രാബല്യത്തിൽ വന്ന പുതിയ നിരക്കുകൾ പ്രകാരം പെട്രോൾ, ഡീസൽ വിലകളിൽ ഗണ്യമായ കുറവാണ് രേഖപ്പെടുത്തിയിരിക്കുന്നത്.
പുതുക്കിയ നിരക്കുകൾ
സൂപ്പർ 98 : ലിറ്ററിന് 3.40 ദിർഹമാണ് പുതിയ വില. ജൂൺ മാസത്തിൽ ഇത് 3.95 ദിർഹമായിരുന്നു (55 ഫിൽസിന്റെ കുറവ്).
സ്പെഷ്യൽ 95 : ലിറ്ററിന് 3.29 ദിർഹമായി കുറഞ്ഞു. ജൂണിലെ വില 3.83 ദിർഹമായിരുന്നു (54 ഫിൽസിന്റെ കുറവ്).
Related Articles
ഇ-പ്ലസ് 91: ലിറ്ററിന് 3.21 ദിർഹമാണ് പുതിയ നിരക്ക്. മുൻ മാസത്തെ വില ലിറ്ററിന് 3.76 ദിർഹമായിരുന്നു (55 ഫിൽസിന്റെ കുറവ്).
ഡീസൽ: ലിറ്ററിന് 3.6 ദിർഹമായി കുറഞ്ഞു. ജൂൺ മാസത്തിൽ ഡീസലിന് 4.33 ദിർഹമായിരുന്നു നിരക്ക് (73 ഫിൽസിന്റെ വലിയ കുറവ്).
വേനൽക്കാല യാത്രാ സീസൺ ആരംഭിച്ച പശ്ചാത്തലത്തിൽ ഇന്ധനവില കുറഞ്ഞത് പ്രവാസികൾ ഉൾപ്പെടെയുള്ള വാഹന ഉടമകൾക്ക് വലിയ ആശ്വാസമാകും. ആഗോള വിപണിയിലെ എണ്ണവിലയിലെ വ്യത്യാസങ്ങൾക്ക് അനുസൃതമായാണ് യുഎഇയിൽ എല്ലാ മാസവും ഇന്ധനവില പുതുക്കി നിശ്ചയിക്കുന്നത്.
