ആര് ഭരിച്ചാലും അമേരിക്ക തന്നെയാണ് ഏറ്റവും വലിയ ശത്രുവെന്ന് കിം ജോംഗ് ഉൻ
അമേരിക്കയില് ആരാണ് അധികാരത്തിലെന്നതില് കാര്യമില്ല. അവരുടെ യഥാര്ഥ നയം ഉത്തരകൊറിയയ്ക്കെതിരെയാണ്. ആര് അധികാരത്തിൽ വന്നാലും അമേരിക്കയാണ് ഏറ്റവും വലിയ ശത്രു.അതൊരിക്കലും മാറില്ലെന്ന് കിം
പോഗ്യാംഗ്: ആര് അധികാരത്തിൽ വന്നാലും അമേരിക്ക തന്നെയാണ് ഏറ്റവും വലിയ ശത്രുവെന്ന് ഉത്തരകൊറിയൻ ഏകാധിപതി കിം ജോംഗ് ഉൻ. വർക്കേഴ്സ് പാർട്ടി മീറ്റിംഗിൽ അദ്ദേഹം നടത്തിയ പ്രസംഗം ഔദ്യോഗിക മാധ്യമമായ കെസിഎൻഎ ആണ് റിപ്പോർട്ട് ചെയ്തത്. അമേരിക്കയെ അട്ടിമറിക്കുന്നതിലാവണം ഉത്തരകൊറിയയുടെ ശ്രദ്ധ.
അമേരിക്കയില് ആരാണ് അധികാരത്തിലെന്നതില് കാര്യമില്ല. അവരുടെ യഥാര്ഥ നയം ഉത്തരകൊറിയയ്ക്കെതിരെയാണ്. ആര് അധികാരത്തിൽ വന്നാലും അമേരിക്കയാണ് ഏറ്റവും വലിയ ശത്രു.അതൊരിക്കലും മാറില്ലെന്ന് കിം പറഞ്ഞതായി ഉത്തരകൊറിയയുടെ ഔദ്യോഗിക വാര്ത്ത ഏജന്സി റിപ്പോര്ട്ട് ചെയ്തു.
നിയുക്തപ്രസിഡന്റ് ജോ ബൈഡൻ സ്ഥാനമേൽക്കാൻ ദിവസങ്ങൾ മാത്രം അവശേഷിക്കെയാണ് ഇത്തരമൊരു പ്രകോപനപരമായ പരാമർശം കിംഗ് ജോംഗിന്റെ ഭാഗത്തു നിന്നുമുണ്ടായത്. കിം ജോംഗ് ഉന്നും അമേരിക്കന് പ്രസിഡന്റ് ഡൊണള്ഡ് ട്രംപും തമ്മില് ചരിത്രപ്രധാനമായ ഉച്ചകോടിയിൽ പങ്കെടുത്തിരുന്നുവെങ്കിലും ഇരുവരും തമ്മിൽ വീണ്ടും വാക്പോരുകൾ നടത്തിയിരുന്നു.