ബെർണി സാൻഡേഴ്സിന്റെ വൈറൽ ചിത്രം പാവയാക്കി, വില 14 ലക്ഷം രൂപ
20,300 ഡോളറാണ് പാവനയുടെ വില, ഏകദേശം 14,81,402 രൂപ...
ടെക്സസ്: അമേരിക്കയുടെ പുതിയ ഭരണസമിതിയുടെ സ്ഥാനാരോഹണ സമയത്തെ, സെനറ്ററായ ബെർണി സാൻഡേഴ്സിൻറെ ചിത്രം ലോകം മുഴുവൻ വൈറലാവുകയും ട്രോളൻമാർ ഏറ്റെടുക്കുകയും ചെയ്തിരുന്നു. മാസ്കും ഗ്ലൗസും കോട്ടുമെല്ലാമിട്ടുളള ഇരിപ്പ് ട്രോളന്മാർക്ക് പ്രിയപ്പെട്ടതാക്കി ആ ചിത്രം.
ഇപ്പോഴിതാ അതേ ലുക്കിലുള്ള സാൻഡേഴ്സിന്റെ പാവയെ നിർമ്മിച്ചിരിക്കുകയാണ് ടെക്സസ് സ്വദേശിയായ ടോബി കിങ്. 20,300 ഡോളറാണ് പാവനയുടെ വില, ഏകദേശം 14,81,402 രൂപ. ടോബി ക്രോഷറ്റ് പാവകളെ നിർമ്മിച്ച് വിൽക്കുന്നതിൽ വിദഗ്ധയാണ്. സാൻഡേഴ്സ് പാവയെ ഉണ്ടാകത്കിയ ടോബിയുടെ ലക്ഷ്യം ജീവകാരുണ്യ പ്രവർത്തനമാണ്. സാൻഡേഴ്സ് പാവ വിറ്റുകിട്ടുന്ന പണം ജീവകാരുണ്യപ്രവർത്തനങ്ങൾക്ക് വിനിയോഗിക്കുമെന്ന് ടോബി വ്യക്തമാക്കി.
ചടങ്ങിൽ സാൻഡേഴ്സ് അണിഞ്ഞ വസ്ത്രങ്ങളും കൈയ്യുറയുമെല്ലാം ടോബി പാവയ്ക്കും അതേപടി നൽകിയിട്ടുണ്ട്. 9 ഇഞ്ചാണ് പാവയുടെ വലിപ്പം. ഇൻസ്റ്റഗ്രാമിലൂടെയാണ് ടോബി ഇത് പങ്കുവച്ചത്. ധാരാളം ഇതിനോടകം പാവയെ ആവശ്യപ്പെട്ട് എത്തിക്കഴിഞ്ഞു. അതോടെയാണ് പാവയെ ഇ ബെയിൽ വിൽപ്പനയ്ക്ക് വച്ചത്. മീൽസ് ഓൺ വീൽസ് എന്ന സംഘടനയ്ക്ക് വേണ്ടിയാണ് ടോബി പണം സമാഹരിക്കുന്നത്. ഇതുവരെ 30000 ഓളം പേരാണ് പാവയ്ക്ക് ഓർഡർ നൽകിയിരിക്കുന്നത്.
