'അഭിനന്ദനങ്ങള്‍ ഡാഡി, ഈ ജയം മമ്മിക്കുള്ള പിറന്നാള്‍ സമ്മാനം'; ആശംസകളുമായി ജൂനിയര്‍ പൊള്ളാര്ഡ്
മത്സരശേഷം ഭാര്യയ്ക്ക് പിറന്നാള്‍ ആശംസകള്‍ കൈമാറി കീറോണ്‍ പൊള്ളാര്ഡ്. ഇന്നലെയായിരുന്നു പൊള്ളാര്‍ഡിന്‍റെ ഭാര്യ ജെന്നയുടെ പിറന്നാള്‍.
മുംബൈ: കീറോണ്‍ പൊള്ളാര്ഡ് സംഹാരതാണ്ഡവമാടുമ്പോള്‍ കാഴ്‍‌ചക്കാരനായി ഗാലറിയില്‍ മകനുണ്ടായിരുന്നു. മത്സരശേഷം പപ്പയ്‌ക്കരികില്‍ ഓടിയെത്തിയ ജൂനിയര്‍ പൊള്ളാര്ഡ് പിതാവിനെ പ്രശംസകൊണ്ട് മൂടി. 'അഭിനന്ദനങ്ങള്‍ ഡാഡി, ഈ ജയം മമ്മിക്കുള്ള പിറന്നാള്‍ സമ്മാനമാണ്' എന്നായിരുന്നു ജൂനിയര്‍ പൊള്ളാര്‍ഡിന്‍റെ വാക്കുകള്‍.
From Sr. & Jr. Pollard, “Mommy, this win is your b’day gift”
— IndianPremierLeague (@IPL) April 11, 2019
Little Kaiden congratulates papa @KieronPollard55 on a fab innings, in an exclusive chat after leading @mipaltan to a famous victory. By @Moulinparikh #MIvKXIP
Watch the full video 📹 👇https://t.co/w4eqLa8pzZ pic.twitter.com/BACnU7O16E
മകനെ തോളിലേറ്റി മുത്തംകൊടുത്താണ് പൊള്ളാര്ഡ് സ്‌നേഹം പ്രകടിപ്പിച്ചത്. ഭാര്യയ്ക്ക് പിറന്നാള്‍ ആശംസകള്‍ കൈമാറുകയും ചെയ്തു പൊള്ളാര്ഡ്. ഇന്നലെയായിരുന്നു പൊള്ളാര്‍ഡിന്‍റെ ഭാര്യ ജെന്നയുടെ പിറന്നാള്‍. മത്സരശേഷം സംസാരിക്കുകയായിരുന്നു ഇരുവരും. ഈ വീഡിയോ ഇതിനകം ഐപിഎല്‍ പ്രേമികളുടെ മനം കവര്‍ന്നിട്ടുണ്ട്.
വീഡിയോ കാണാന്‍ ഇവിടെ ക്ലിക്ക് ചെയ്യുക
മത്സരത്തില്‍ 31 പന്തില്‍ 83 റണ്‍സടിച്ച് അവസാന ഓവറില്‍ പുറത്തായ പൊള്ളാര്‍ഡ‍ാണ് മുംബൈയ്ക്ക് മൂന്ന് വിക്കറ്റിന്‍റെ അവിശ്വസനീയ ജയം സമ്മാനിച്ചത്. സ്കോര്‍- കിംഗ്സ് ഇലവന്‍ പഞ്ചാബ് 20 ഓവറില്‍ 197/4, മുംബൈ ഇന്ത്യന്‍സ് 20 ഓവറില്‍ 198/7. ആദ്യം ബാറ്റ് ചെയ്ത പഞ്ചാബിനെ കെ എല്‍ രാഹുലും(100) ക്രിസ് ഗെയ്‌ലുമാണ്(63) മികച്ച സ്കോറിലെത്തിച്ചത്.
