സ്റ്റംപിങ് ഒഴിവാക്കാന് മുംബൈ ഇന്ത്യന്സ് ക്യാപ്റ്റന് രോഹിത് ശര്മയുടെ കാല്പന്തുകളി. രാജസ്ഥാന് റോയല്സിനെതിരായ മത്സരത്തില് 10ാം ഓവറിന്റെ അഞ്ചാം പന്തിലാണ് സംഭവം. പന്തെറിയുന്നത് കൃഷ്ണപ്പ ഗൗതം.
മുംബൈ: സ്റ്റംപിങ് ഒഴിവാക്കാന് മുംബൈ ഇന്ത്യന്സ് ക്യാപ്റ്റന് രോഹിത് ശര്മയുടെ കാല്പന്തുകളി. രാജസ്ഥാന് റോയല്സിനെതിരായ മത്സരത്തില് 10ാം ഓവറിന്റെ അഞ്ചാം പന്തിലാണ് സംഭവം. പന്തെറിയുന്നത് കൃഷ്ണപ്പ ഗൗതം. അതിന് തൊട്ട് മുമ്പുള്ള മൂന്ന് പന്തുകളില് രോഹിത് ഒരു സിക്സും രണ്ട് വീതം ഫോറും നേടിയിരുന്നു.
അഞ്ചാം പന്തിലും രോഹിത് ക്രീസ് വിട്ടിറങ്ങി സിക്സറിനുള്ള ശ്രമം നടത്തി. എന്നാല് പന്ത് ലെഗ് സ്റ്റംപിന് പുറത്ത് വൈഡ് എറിയുകയായിരുന്നു ഗൗതം. ബാറ്റുക്കൊണ്ട് പന്ത് കണക്റ്റ് ചെയ്യാന് കഴിയില്ലെന്ന് മനസിലായപ്പോള് സ്റ്റംപിങ് ഒഴിവാക്കാന് വേണ്ടി വലതുകാല് നീട്ടിവെക്കുകയായിരുന്നു രോഹിത്.
സംഭവത്തിന് ശേഷം പൊട്ടിച്ചിരിച്ച രോഹിത് ആ പന്തില് റണ് ഓടേണ്ടെന്ന് തീരുമാനിക്കുകയും ചെയ്തു. വാംഖഡെ സ്റ്റേഡിയത്തില് രോഹിത്തിനൊപ്പം കളിക്കണ്ടവരും പൊട്ടിച്ചിരിക്കുകയായിരുന്നു. വീഡിയോ കാണാം...
