പതിനഞ്ചാം കേരള നിയമസഭയുടെ ആദ്യസമ്മേളനത്തിന് തുടക്കം; എംഎൽഎമാരുടെ സത്യപ്രതിജ്ഞ പുരോഗമിക്കുന്നു| Live

മൂന്ന് പേർ ഇന്ന് സത്യപ്രതിജ്ഞ ചെയ്തില്ല, വി അബ്ദുറഹ്മാൻ, നെന്മാറയിൽ നിന്ന് ജയിച്ച കെ ബാബു, കോവളത്ത് നിന്ന് ജയിച്ച എം വിൻസെൻ്റ് എന്നിവർക്ക് ഇന്ന് സഭയിലെത്തി സത്യപ്രതിജ്ഞ ചെയ്യാൻ ആയില്ല. 

അവസാന അംഗമായി സേവ്യർ ചിറ്റിലപ്പള്ളി സത്യപ്രതിജ്ഞ ചെയ്തു. ഇതോടെ സത്യപ്രതിജ്ഞാ ചടങ്ങുകൾ അവസാനിച്ചു. 136 എംഎൽഎമാർ പ്രോ ടേം സ്പീക്കർക്ക് മുന്നിൽ സത്യപ്രതിജ്ഞ ചെയ്തു

മുഖ്യമന്ത്രി പിണറായി വിജയൻ എംഎൽഎയായി സത്യപ്രതിജ്ഞ ചെയ്തു. 

വീണ ജോർജ്ജ് സത്യപ്രതിജ്ഞ ചെയ്തു

കെ കെ രമ സത്യപ്രതിജ്ഞയ്ക്കായി എത്തിയത് ടിപിയുടെ ചിത്രമുള്ള ബാഡ്ജ് ധരിച്ച്. 

കഴക്കൂട്ടത്ത് നിന്ന് വിജയിച്ച കടകംപള്ളി സുരേന്ദ്രൻ സത്യപ്രതിജ്ഞ ചെയ്തു

ഇടവേളയ്ക്ക് ശേഷം സഭ വീണ്ടും ചേരുന്നു

സഭ അൽപ സമയം നിർത്തി വെച്ചു,ചെറിയ ഇടവേളയെടുത്തിരിക്കുകയാണ്. 122 പേർ ഇത് വരെ സത്യപ്രതിജ്ഞ ചെയ്തു. മുഖ്യമന്ത്രിയടക്കം സത്യപ്രതിജ്ഞ ചെയ്യാൻ ബാക്കിയുണ്ട്. 

കെ കെ ശൈലജ എംഎൽഎയായി സത്യപ്രതിജ്ഞ ചെയ്തു. മട്ടന്നൂരിൽ നിന്ന് റെക്കോർഡ് ഭൂരിപക്ഷത്തോടെയാണ് കെ കെ ശൈലജ നിയമസഭയിലെത്തിയിരിക്കുന്നത്. 

പ്രതിപക്ഷ നേതാവ് വി ഡി സതീശൻ എംഎൽയായി സത്യപ്രതിജ്ഞ ചെയ്തു. 

വടകരയിൽ നിന്ന് വിജയിച്ച കെ കെ രമ എംഎൽഎയായി സത്യപ്രതിജ്ഞ ചെയ്തു. സഗൗരവമായിരുന്നു സത്യപ്രതിജ്ഞ. ആർഎംപി കേന്ദ്ര കമ്മിറ്റി അംഗമാണ്. 

ഹരിപ്പാട് നിന്ന് വീണ്ടും ജയിച്ച രമേശ് ചെന്നിത്തല എംഎൽഎയായി സത്യപ്രതിജ്ഞ ചെയ്തു. കഴിഞ്ഞ അ‌ഞ്ച് വർഷം പ്രതിപക്ഷ നേതാവായിരുന്നു ചെന്നിത്തല. ഭരണത്തുടർച്ച തടയാനാകാതെ പോയ ചെന്നിത്തലയ്ക്ക് ഇത്തവണ പ്രതിപക്ഷത്തെ രണ്ടാം നിരയിലാണ് ഇരിപ്പിടം. 

കണ്ണൂരിൽ നിന്ന് വീണ്ടും വിജയിച്ച കടന്നപ്പള്ളി രാമചന്ദ്രൻ സത്യപ്രതിജ്ഞ ചെയ്തു. 

തിരുവഞ്ചൂർ രാധാകൃഷ്ണൻ എംഎൽഎയായി സത്യപ്രതിജ്ഞ ചെയ്തു

കായംകുളത്ത് നിന്ന് വിജയിച്ച സിപിഎം പ്രതിനിധി യു പ്രതിഭ സത്യപ്രതിജ്ഞ ചെയ്തു

വട്ടിയൂർക്കാവ് എംഎൽഎ വി കെ പ്രശാന്ത് സത്യപ്രതിജ്ഞ ചെയ്തു

ഉമ്മൻചാണ്ടി പന്ത്രണ്ടാം തവണ എംഎൽഎയായി സത്യപ്രതിജ്ഞ ചെയ്തു. പുതുപ്പള്ളിയിൽ നിന്ന് തോൽവിയറിയാതെ ഉമ്മൻചാണ്ടി. 

കൊടുവള്ളിയിൽ നിന്നും വിജയിച്ച ലീഗ് പ്രതിനിധി എം കെ മുനീർ സത്യപ്രതിജ്ഞ ചെയ്തു.

നാട്ടിക എംഎൽഎ സി സി മുകുന്ദൻ സത്യപ്രതിജ്ഞ ചെയ്തു

കൊല്ലത്ത് നിന്ന് വിജയിച്ച എം മുകേഷ് സത്യപ്രതിജ്ഞ ചെയ്തു