അമ്പലപ്പുഴ പാല്പ്പായസമല്ല, ഇനിയത് ഗോപാല കഷായം!!
അമ്പലപ്പുഴ പാല്പ്പായസം മുന്കാലങ്ങളില് ആചാരപരമായി അറിയപ്പെട്ടിരുന്നത് ഗോപാലകഷായം എന്നായിരുന്നു.
പത്തനംതിട്ട: അമ്പലപ്പുഴ പാല്പ്പായസം ഇനി അറിയപ്പെടുക ഗോപാല കഷായം എന്നായിരിക്കും. തിരുവിതാംകൂര് ദേവസ്വം ബോര്ഡ് പ്രസിഡന്റ് എ പദ്മകുമാര് ആണ് ഇക്കാര്യം അറിയിച്ചത്.
അമ്പലപ്പുഴ പാല്പ്പായസം മുന്കാലങ്ങളില് ആചാരപരമായി അറിയപ്പെട്ടിരുന്നത് ഗോപാലകഷായം എന്നായിരുന്നു. ഈ സാഹചര്യത്തിലാണ് ഗോപാലകഷായം എന്ന ലേബല് കൂടി ഉള്പ്പെടുത്തിയായിരിക്കും ഇനി അമ്പലപ്പുഴ പാല്പ്പായസം ഇനി നല്കുകയെന്ന് ദേവസ്വം ബോര്ഡ് അറിയിച്ചിരിക്കുന്നത്. ഈ പേര് മറ്റാരും ഉപയോഗിക്കരുതെന്നും വ്യവസ്ഥ ചെയ്യുമെന്നും എ പദ്മകുമാര് പറഞ്ഞു.
അമ്പലപ്പുഴ പാല്പ്പായസം എന്ന പേരില് പലയിടങ്ങളിലും പായസം കടകളിലൂടെ വില്പ്പന നടത്തുന്നതായി കഴിഞ്ഞയിടയ്ക്ക് റിപ്പോര്ട്ടുകള് പുറത്തുവന്നിരുന്നു. അമ്പലപ്പുഴ പാല്പ്പായസം, തിരുവാര്പ്പ് ഉഷ:പായസം, ശബരിമല അപ്പം, അരവണ, കൊട്ടാരക്കര ഉണ്ണിയപ്പം എന്നിവയ്ക്ക് പേറ്റന്റ് എടുക്കുമെന്നും ദേവസ്വം ബോര്ഡ് അറിയിച്ചിട്ടുണ്ട്.