തിരുവനന്തപുരം: എക്സൈസിന്റെ പരിശോധനയ്ക്കിടെ തിരുവനന്തപുരം ടെക്നോപാർക്കിന്‍റെ ഫേസ് 3 യിൽ സ്ഫോടക വസ്തു പൊട്ടിത്തെറിച്ചു. ഉദ്യോഗസ്ഥർക്ക് ആർക്കും പരിക്കില്ല. 80 ലിറ്റർ ചാരായം ഇവിടെ നിന്ന് എക്സൈസ് പിടികൂടിയിരുന്നു. 

പരിശോധനയ്ക്കിടെ കണ്ടെത്തിയ പൊതി തുറക്കാൻ കഴിയാത്തതിനാൽ നിലത്തെറിഞ്ഞപ്പോഴാണ് സ്ഫോടക വസ്തു പൊട്ടിത്തെറിച്ചത്. നാടൻ ബോംബാണെന്നാണ് നിഗമനം. ഉദ്യോഗസ്ഥരെ അപായപ്പെടുത്താനുള്ള ശ്രമമാണോയെന്നും സംശയമുണ്ട്. പൊലീസ് സംഭവ സ്ഥലത്തെത്തി അന്വേഷണം ആരംഭിച്ചു.