നെൽകര്ഷകര്ക്കുള്ള പ്രോത്സാഹന ബോണസ് നിര്ത്തണമെന്ന കേന്ദ്ര നിര്ദേശത്തിനെതിരെ മുഖ്യമന്ത്രി. നെല്ലുൽപാദനം കൂടുന്നത് നാടിനാകെ ബാധ്യതയെന്ന കേന്ദ്ര സര്ക്കാരിന്റെ ന്യായം കര്ഷകരോടുള്ള വെല്ലുവിളിയെന്ന് അദ്ദേഹം പറഞ്ഞു.
തിരുവനന്തപുരം: നെൽകര്ഷകര്ക്കുള്ള പ്രോത്സാഹന ബോണസ് നിര്ത്തണമെന്ന കേന്ദ്ര നിര്ദേശത്തിനെതിരെ മുഖ്യമന്ത്രി പിണറായി വിജയൻ. നെല്ലുൽപാദനം കൂടുന്നത് നാടിനാകെ ബാധ്യതയെന്ന കേന്ദ്ര സര്ക്കാരിന്റെ വിചിത്ര ന്യായം കര്ഷകരോടുള്ള വെല്ലുവിളിയെന്ന് മുഖ്യമന്ത്രി പ്രസ്താവനയിൽ വിമര്ശിച്ചു. ഉത്പാദനം ആവശ്യത്തിലധികമായതിനാൽ സംഭരണ ചെലവ് ബാധ്യതയാകുമെന്ന് ചീഫ് സെക്രട്ടറിയെ കത്തിലൂടെ കേന്ദ്ര ധനകാര്യ എക്സ്പെന്റീച്ചര് സെക്രട്ടറിയാണ് അറിയിച്ചത്. കിലോയ്ക്ക് 6.31രൂപ കര്ഷകര്ക്ക് അധികമായി സംസ്ഥാന സര്ക്കാര് നൽകുന്നതിൽ കേന്ദ്രത്തിന് എന്തിനാണ് അസ്വസ്ഥതയെന്നും മുഖ്യമന്ത്രി ചോദിച്ചു.
