മനുഷ്യമഹാ ശൃംഖല: പാളയത്ത് അണിനിരന്നത് പ്രമുഖര്, പിണറായി വന്നത് കുടുംബസമേതം
കാനം രാജേന്ദ്രൻ അടക്കം രാഷ്ട്രീയ നേതാക്കൾ മതസാമുദായിക മേഖലകളിലെ പ്രമുഖര് തുടങ്ങി ഒട്ടേറെ പേരാണ് രക്തസാക്ഷി മണ്ഡപത്തിന് സമീപം അണി നിരന്നത്
തിരുവനന്തപുരം: പൗരത്വ നിയമ ഭേദഗതിക്കെതിരെ കേരളത്തിന്റെ സംയുക്ത പ്രതിഷേധത്തിന് വേദിയായ പാളയത്തെ രക്തസാക്ഷി മണ്ഡപത്തിന് സമീപത്താണ് മുഖ്യമന്ത്രി പിണറായി വിജയൻ അടക്കമുള്ളവര് മനുഷ്യ മഹാശൃംഖലയിൽ അണിചേര്ന്നത്. സിപിഐ സംസ്ഥാന സെക്രട്ടറി കാനം രാജേന്ദ്രനും എംവി ഗോവിന്ദൻ, സികെ നാണു തുടങ്ങിയ രാഷ്ട്രീയ നേതാക്കളും പാളയം ഇമാം അടക്കം മതസാമുദായിക പ്രതിനിധികളും പാളയത്താണ് അണിനിരന്നത്.
സംവിധായകൻ കമൽ , ഭാഗ്യലക്ഷ്മി ,സിഎസ് ചന്ദ്രിക തുടങ്ങി ഒട്ടേറെ പേര് പാളയത്ത് മനുഷ്യമഹാശൃംഖലക്കെത്തി. ഭാര്യ കമലയ്ക്കും മക്കൾക്കും കൊച്ചുമക്കൾക്കുമൊപ്പം കുടുംബ സമേതമാണ് പിണറായി വിജയൻ പ്രതിഷേധത്തിനെത്തിയത് എന്നതും ശ്രദ്ധേയമാണ്.