കൊവിഡ് കാലത്ത് മുഖ്യമന്ത്രി നടത്തുന്നത് റിയാലിറ്റി ഷോ ആണെന്ന് കെ മുരളീധരൻ
സർക്കാറിന് കഴിയില്ലെങ്കിൽ മറ്റ് സംസ്ഥാനങ്ങളിൽ നിന്നുള്ളവരെ സ്വന്തം പണം ഉപയോഗിച്ച് കോൺഗ്രസ് നാട്ടിലെത്തിക്കും. ഇതിന് മുഖ്യമന്ത്രി അനുമതി നൽകിയാൽ മതിയെന്ന് കെ മുരളീധരൻ
തിരുവനന്തപുരം: കൊവിഡ് കാലത്ത് നാട്ടിലേക്ക് എത്തുന്ന പ്രവാസികൾക്ക് സംസ്ഥാന സര്ക്കാര് സൗകര്യങ്ങൾ ഒരുക്കിയിട്ടില്ലെന്ന് കെ മുരളീധരൻ. പ്രവാസികൾ എത്താൻ തുടങ്ങിയതോടെ അവരെ പാർപ്പിക്കാൻ പോലും സൗകര്യമില്ലെന്ന് വ്യക്തമായെന്നും കെ മുരളീധരൻ ആരോപിച്ചു. കൊവിഡ് കാലത്ത് മുഖ്യമന്ത്രി പിണറായി വിജയൻ നടത്തുന്നത് റിയാലിറ്റി ഷോ ആണ്, ഇത് പ്രതിപക്ഷത്തെ അധിക്ഷേപിക്കാൻ മാത്രമാണെന്നും കെ മുരളീധരൻ കുറ്റപ്പെടുത്തി.
ഗൾഫിൽ നിന്ന് മലയാളികളെ കൊണ്ടുവരാൻ കഴിഞ്ഞത് എല്ലാവരുടേയും ശ്രമം കൊണ്ടാണ്. മറ്റ് സംസ്ഥാനങ്ങളിൽ നിന്ന് എപ്പോൾ മലയാളികളെ നാട്ടിൽ എത്തിക്കാൻ കഴിയും എന്ന് സർക്കാർ വ്യക്തമാക്കണം. സർക്കാറിന് കഴിയില്ലെങ്കിൽ മറ്റ് സംസ്ഥാനങ്ങളിൽ നിന്നുള്ളവരെ സ്വന്തം പണം ഉപയോഗിച്ച് കോൺഗ്രസ് നാട്ടിലെത്തിക്കും. ഇതിന് മുഖ്യമന്ത്രി അനുമതി നൽകിയാൽ മതിയെന്നും കെ മുരളീധരൻ കോഴിക്കോട്ട് പറഞ്ഞു.
ഹൈക്കോടതിയിൽ കേന്ദ്രം കൊടുത്ത സത്യവാങ്മൂലത്തിന് വിരുദ്ധമാണ് സംസ്ഥാന സർക്കാറിൻ്റെ ക്വാറന്റൈൻ . പ്രവാസികളേയും ഇതര സംസ്ഥാനങ്ങളിൽ നിന്നും വരുന്നവരുടേയും എണ്ണത്തിൽ സംസ്ഥാനത്തിന് അവ്യക്തതയാണ് .അന്യസംസ്ഥാനങ്ങളിൽ നിന്ന് മലയാളികളെ എങ്ങിനെ എത്തിക്കും എന്നതിൽ സംസ്ഥാന സർക്കാറിന് സർവത്ര ആശയ കുഴപ്പമാണെന്നും കെ മുരളീധരൻ ആരോപിച്ചു.
കൊവിഡ് മരണം മരണം മറച്ചു വെക്കാനാണ് സംസ്ഥാന സര്ക്കാര് ശ്രമിക്കുന്നത്. കേരളത്തിൽ ചികിത്സിച്ചയാൾ മരിച്ചപ്പോൾ മരണം കേരളത്തിൻ്റെ കണക്കിൽ ഉൾപ്പെടുത്തിയില്ലെന്നും കെ മുരളീധരൻ കുറ്റപ്പെടുത്തി
- Covid 19
- Covid 19 India
- Covid 19 Kerala
- Covid 19 Live Updates
- Covid 19 Lock Down
- Covid 19 Pandemic
- Lock Down India
- Lock Down Kerala
- k muraleedharan
- pinarayi vijayan
- കെ മുരളീധരൻ
- കൊറോണവൈറസ്
- കൊറോണവൈറസ് തത്സമയം
- കൊറോണവൈറസ് വാർത്തകൾ
- കൊവിഡ് 19
- കൊവിഡ് 19 ഇന്ത്യ
- കൊവിഡ് 19 കേരളം
- കൊവിഡ് 19 തത്സമയം
- കൊവിഡ് 19 മഹാമാരി
- കൊവിഡ് 19 ലോക് ഡൗൺ
- മുഖ്യമന്ത്രി
- റിയാലിറ്റി ഷോ
- ലോക്ക് ഡൗൺ ഇന്ത്യ
- ലോക്ക് ഡൗൺ കേരളം