Asianet News MalayalamAsianet News Malayalam

ആശങ്ക അകലുന്നില്ല, ഇന്ന് 1059  പേര്‍ക്ക് സമ്പര്‍ക്കത്തിലൂടെ രോഗബാധ

ഏറ്റവും കൂടുതൽ സമ്പര്‍ക്കരോഗികളുള്ളത്. തിരുവനന്തപുരം ജില്ലയിലാണ്. 221 പേര്‍ക്കാണ് രോഗബാധയുണ്ടായത്.

covid 19 kerala 1 september
Author
Thiruvananthapuram, First Published Sep 1, 2020, 6:16 PM IST

തിരുവനന്തപുരം: സംസ്ഥാനത്ത് ആശങ്ക അകലുന്നില്ല. ഇന്ന് കൊവിഡ് സ്ഥിരീകരിച്ച 1140 പേരിൽ 1059 പേര്‍ക്കും രോഗബാധയുണ്ടായത് സമ്പര്‍ക്കത്തിലൂടെയാണ്. അതില്‍ 158 പേരുടെ സമ്പര്‍ക്ക ഉറവിടം വ്യക്തമല്ല. ഏറ്റവും കൂടുതൽ സമ്പര്‍ക്കരോഗികളുള്ളത് തിരുവനന്തപുരം ജില്ലയിലാണ്. 221 പേര്‍ക്കാണ് രോഗബാധയുണ്ടായത്. മലപ്പുറം ജില്ലയില്‍ നിന്നുള്ള 186 പേര്‍ക്കും, കോഴിക്കോട് ജില്ലയില്‍ നിന്നുള്ള 144 പേര്‍ക്കും, എറണാകുളം ജില്ലയില്‍ നിന്നുള്ള 143 പേര്‍ക്കും, തൃശൂര്‍ ജില്ലയില്‍ നിന്നുള്ള 121 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്. 

ഇതോടൊപ്പം കോട്ടയം ജില്ലയില്‍ നിന്നുള്ള 61 പേര്‍ക്കും, കണ്ണൂര്‍ ജില്ലയില്‍ നിന്നുള്ള 59 പേര്‍ക്കും, പാലക്കാട് ജില്ലയില്‍ നിന്നുള്ള 40 പേര്‍ക്കും, ആലപ്പുഴ ജില്ലയില്‍ നിന്നുള്ള 31 പേര്‍ക്കും, കൊല്ലം ജില്ലയില്‍ നിന്നുള്ള 21 പേര്‍ക്കും, കാസര്‍ഗോഡ് ജില്ലയില്‍ നിന്നുള്ള 15 പേര്‍ക്കും, പത്തനംതിട്ട ജില്ലയില്‍ 11 നിന്നുള്ള പേര്‍ക്കും, വയനാട് ജില്ലയില്‍ 6 പേര്‍ക്കുമാണ് ഇന്ന് സമ്പര്‍ക്കത്തിലൂടെ രോഗം ബാധിച്ചത്. അതേ സമയം ഇന്ന് രോഗം സ്ഥിരീകരിച്ചവരിൽ 14 പേര്‍ വിദേശ രാജ്യങ്ങളില്‍ നിന്നും 36 പേര്‍ മറ്റ് സംസ്ഥാനങ്ങളില്‍ നിന്നും വന്നതാണ്. 

Follow Us:
Download App:
  • android
  • ios