സംസ്ഥാനത്ത് കൊവിഡ് നിയന്ത്രണം കർശനമാക്കി പൊലീസ്, കർശന പരിശോധനക്ക് ഡിജിപി നിർദ്ദേശം
വാഹന പരിശോധന കർശനമാക്കുന്നതോടൊപ്പം അനാവശ്യ യാത്രകൾ തടയണം. ആൾക്കൂട്ടം ഉണ്ടായാൽ ഉത്തരവാദിത്തം എസ്എച്ച്ഒമാർക്കെന്നും സർക്കുലറിൽ പറയുന്നു.
തിരുവനന്തപുരം: സംസ്ഥാനത്ത് കൊവിഡ് നിയന്ത്രണം കർശനമാക്കി പൊലീസ്. ഇതു സംബന്ധിച്ച് ഡിജിപിയുടെ നിർദേശം പുറത്തിറങ്ങി. എല്ലാ സ്ഥലങ്ങളിലും പൊലീസിന്റെ സാന്നിദ്ധ്യം ഉണ്ടാകണം. ആളുകൾ മാസ്ക് ഉൾപ്പടെയുള്ള പ്രതിരോധ മാർഗ്ഗങ്ങൾ സ്വീകരിച്ചിട്ടുണ്ടോ എന്ന് ഉറപ്പ് വരുത്തണം. വാഹന പരിശോധന കർശനമാക്കുന്നതോടൊപ്പം അനാവശ്യ യാത്രകൾ തടയണം. ആൾക്കൂട്ടം ഉണ്ടായാൽ ഉത്തരവാദിത്തം എസ്എച്ച്ഒമാർക്കെന്നും സർക്കുലറിൽ പറയുന്നു. ക്രമസമാധാന ചുമതലയുള്ള എഡിജിപ്പിക്കാണ് നിർദേശം നൽകിയിരിക്കുന്നത്.