Asianet News MalayalamAsianet News Malayalam

ആഘോഷങ്ങൾ കരുതലോടെ, പ്രോട്ടോക്കോൾ പാലിക്കണം, ആശംസകളുമായി ആരോഗ്യമന്ത്രി

ക്രിസ്മസും പുതുവത്സരവും പ്രതീക്ഷകളോടെയാണ് കടന്നുവരുന്നത്. ആഘോഷങ്ങൾ വേണം, പക്ഷേ വലിയ കൂട്ടായ്മകളിലൂടെയാകരുത്. മനസ്സുകൊണ്ട് ഒന്നിക്കാം - ആശംസകളുമായി ആരോഗ്യമന്ത്രി കെ കെ ശൈലജ.

covid 19 protocols should be kept at christmas new year celebrations says kerala health minister
Author
Thiruvananthapuram, First Published Dec 24, 2020, 5:48 PM IST

തിരുവനന്തപുരം: ക്രിസ്മസ്, പുതുവത്സരാഘോഷങ്ങൾ കരുതലോടെ വേണമെന്ന് ആരോഗ്യമന്ത്രി കെ കെ ശൈലജ. വലിയ പ്രതീക്ഷകളോടെയാണ് ലോകം പുതിയ വർഷത്തെ വരവേൽക്കുന്നത്. എന്നാൽ ആഘോഷങ്ങൾ കരുതലോടെ വേണം, കൊവിഡ് പ്രോട്ടോക്കോൾ പാലിക്കണം - മന്ത്രി കെ കെ ശൈലജ പറഞ്ഞു. എല്ലാവർക്കും ആരോഗ്യമന്ത്രി ക്രിസ്മസ് പുതുവർഷാശംകൾ നേരുകയും ചെയ്തു. 

പുതിയൊരു വർഷത്തിലേക്ക് കടക്കുമ്പോൾ മനസ്സിൽ പ്രതീക്ഷകൾ നിലനിർത്തണമെന്ന് മന്ത്രി പറഞ്ഞു. ക്രിസ്മസിനെയും പുതുവർഷത്തെയും വരവേൽക്കാം, മനസ്സുകൊണ്ട് ഒന്നിക്കാം, വലിയ കൂട്ടായ്മകൾ വേണ്ട. 

കേരളം മഹാമാരിക്കെതിരെ മികച്ച രീതിയിൽത്തന്നെ പൊരുതിയിട്ടുണ്ട്. മരണനിരക്ക് ഏറ്റവും കുറയ്ക്കാൻ കഴിഞ്ഞത് എല്ലാവരും ചേർന്നു നടത്തിയ പോരാട്ടം കൊണ്ടാണ്. എന്നാൽ മുൻകരുതലുകൾ മറന്നുപോകരുതെന്നും മന്ത്രി കെ കെ ശൈലജ ഓർമിപ്പിച്ചു. 

Follow Us:
Download App:
  • android
  • ios