'ഉൾപ്പാർട്ടി ജനാധിപത്യം'; സിപിഎം ലോക്കൽ സമ്മേളനം മത്സരത്തിലേക്ക് നീണ്ടു, പിന്നാലെ നിർത്തിവെച്ചു

പത്തനംതിട്ട ഇരവിപേരൂർ ഏരിയാ കമ്മിറ്റിക്ക് (Eraviperoor Area Committee) കീഴിലെ കവിയൂർ ലോക്കൽ സമ്മേളനമാണ് നിർത്തിവെച്ചത്

CPIM flag

പത്തനംതിട്ട: പത്തനംതിട്ടയിൽ (Pathanamthitta) ഭാരവാഹി കമ്മിറ്റി തെരഞ്ഞെടുപ്പ് വോട്ടെടുപ്പിലേക്ക് നീണ്ടതോടെ സിപിഎം (CPIM) ലോക്കൽ സമ്മേളനം (Local Conference) നിർത്തിവെച്ചു. പത്തനംതിട്ട ഇരവിപേരൂർ ഏരിയാ കമ്മിറ്റിക്ക് (Eraviperoor Area Committee) കീഴിലെ കവിയൂർ ലോക്കൽ സമ്മേളനമാണ് നിർത്തിവെച്ചത്. 15 അംഗ ഔദ്യോഗിക പാനലിനെതിരെ അഞ്ച് പേർ മത്സര രംഗത്തെത്തിയതോടെയാണ് സമ്മേളനം നിർത്തിയത്. ഡിവൈഎഫ്ഐ (DYFI) മേഖല ഭാരവാഹിയും പഞ്ചായത്തംഗവുമടക്കം (Panchayat member) അഞ്ച് പേരാണ് മത്സരത്തിനായി മുന്നോട്ട് വന്നത്. സിപിഎം സംസ്ഥാന കമ്മിറ്റിയംഗം (CPIM state committee member) കെ അനന്തഗോപന്റെ സാന്നിധ്യത്തിലാണ് സമ്മേളനം നടന്നത്.