മന്ത്രിസഭയിലെ ലീഗ് മന്ത്രിമാരുടെ കാര്യത്തിൽ തീരുമാനമായി. അഞ്ച് മന്ത്രിമാരാണ് ഉള്ളത്. പി കെ ബഷീറിന് മന്ത്രിസ്ഥാനം ഇല്ല.
തിരുവനന്തപുരം: വിഡി സതീശൻ മന്ത്രിസഭയിലെ ലീഗ് മന്ത്രിമാരുടെ കാര്യത്തിൽ തീരുമാനമായി. അഞ്ച് മന്ത്രിമാരെയാണ് നിർദേശിച്ചിട്ടുള്ളത്. പാറക്കൽ അബ്ദുള്ള, പി കെ കുഞ്ഞാലിക്കുട്ടി, കെഎം ഷാജി, എൻ ഷംസുദ്ദീൻ, വി ഇ ഗഫൂർ എന്നിവരെയാണ് മന്ത്രിമാരായി നിർദേശിച്ചിരിക്കുന്നത്. പി കെ ബഷീറിന് മന്ത്രിസ്ഥാനം ഇല്ല. നേതൃയോഗത്തിലാണ് തീരുമാനം.
Add Asianetnews as a Preferred Source
അഞ്ച് മന്ത്രിമാരുടെ പദവിയുണ്ടെന്ന അർത്ഥത്തിലാണ് ലീഗ് ഇപ്പോൾ മന്ത്രിമാരെ പ്രഖ്യാപിച്ചിരിക്കുന്നത്. ഗഫൂറിന് പകരം എകെഎം അഷ്റഫിനെ പരിഗണിച്ചേക്കാം എന്ന സാധ്യതയുമുണ്ട്. 5ാം മന്ത്രി പദവി സംബന്ധിച്ച കാര്യത്തിൽ കോൺഗ്രസിൻ്റെ ഭാഗത്തുനിന്ന് ഒരു സ്ഥിരീകരണം ലഭ്യമായിട്ടില്ല. എന്നാൽപ്പോലും 5 പദവികളിലേക്ക് മന്ത്രിമാരെ നിശ്ചയിച്ചിരിക്കുകയാണ്. അതേസമയം, ചർച്ച വീണ്ടും നടക്കുമെന്ന് പിഎംഎ സലാം അറിയിച്ചു.
