എഞ്ചിനീയറിംഗ്/ ഫാർമസി പ്രവേശന പരീക്ഷഫലം വ്യാഴാഴ്ച പ്രസിദ്ധീകരിക്കും
പ്രവേശന പരീക്ഷയിലെ സ്കോർ നേരത്തെ പ്രസിദ്ധീകരിച്ചിരുന്നു. എഞ്ചിനീയറിംഗ് പരീക്ഷ എഴുതിയ 71742 പേരിൽ 56599 പേരാണ് ഉന്നതപഠനത്തിന് യോഗ്യത നേടിയത്
തിരുവനന്തപുരം: സംസ്ഥാന എഞ്ചിനീയറിംഗ് / ഫാർമസി പ്രവേശന പരീക്ഷ ഫലം വ്യാഴാഴ്ച പ്രസിദ്ധീകരിക്കും. നാളെ രാവിലെ 11- മണിക്ക് ഉന്നത വിദ്യാഭ്യാസ മന്ത്രി കെ.ടി ജലീലാവും ഫലപ്രഖ്യാപനം നടത്തുക.
പ്രവേശന പരീക്ഷയിലെ സ്കോർ നേരത്തെ പ്രസിദ്ധീകരിച്ചിരുന്നു. എഞ്ചിനീയറിംഗ് പരീക്ഷ എഴുതിയ 71742 പേരിൽ 56599 പേരാണ് ഉന്നതപഠനത്തിന് യോഗ്യത നേടിയത്. പ്ലസ്‌ ടു/ തത്തുല്യ പരീക്ഷയിൽ ഫിസിക്സ്‌, കെമിസ്ട്രി, മാത്‍സ് എന്നിവയിൽ ലഭിച്ച സ്കോറും പ്രവേശന പരീക്ഷയിൽ ലഭിച്ച സ്കോറും തുല്യമായി പരിഗണിച്ചാണ് റാങ്ക് പട്ടിക തയാറാക്കുന്നത്. ജൂലൈ 16നാണ് പ്രവേശന പരീക്ഷ നടത്തിയത്.
Last Updated Sep 23, 2020, 8:00 PM IST
