സ്വർണക്കളളക്കടത്ത് കേസ്; പ്രധാനപ്രതികൾ ജാമ്യം തേടി കോടതിയിലേക്ക്

സ്വർണക്കളളക്കടത്ത് കേസിലെ പ്രധാന പ്രതികൾ ജാമ്യം തേടി വീണ്ടും കോടതിയിലേക്ക്. കസ്റ്റംസ് കേസിലെ നാലാം പ്രതി കെ ടി റമീസിന് ജാമ്യം കിട്ടിയതോടെയാണ് നീക്കം.

ശിവശങ്കരന്‍, കെ ടി ജലീല്‍, ഇനിയാര് ? - ശിവശങ്കരനെതിരെ ഉയര്‍ന്ന ആരോപണങ്ങള്‍ വലിയ വിവാദത്തിനാണ് തിരികൊളുത്തിയത്. മുഖ്യമന്ത്രിയുടെ ഓഫീസിനും സ്വര്‍ണ്ണക്കടത്തില്‍ പങ്കുണ്ടെന്ന് പ്രതിപക്ഷം ആരോപണം ഉന്നയിച്ചു. ഇതിനുപിന്നാലെയാണ് മന്ത്രി കെ ടി ജലീലിന് സ്വര്‍ണ്ണക്കടത്തില്‍ ബന്ധമുണ്ടെന്ന ആരോപണം ഉയര്‍ന്നത്. മന്ത്രിയെ ഇഡി കഴിഞ്ഞ ദിവസം ചോദ്യം ചെയ്തിരുന്നു. സ്വര്‍ണ്ണക്കടത്ത് കേസുമായി ബന്ധപ്പെട്ട് എന്‍ഫോഴ്‌സ്‌മെന്റ് ഡയറക്ടറേറ്റ് മന്ത്രി കെ ടി ജലീലിനെ വീണ്ടും ചോദ്യം ചെയ്യുമെന്നും ജലീലിന് ക്ലീന്‍ ചിറ്റില്ലെന്നും എന്‍ഫോഴ്‌സ്‌മെന്റ് മേധാവി എസ് കെ മിശ്ര വ്യക്തമാക്കിയിരു്ന്നു.പ്രോട്ടോക്കോള്‍ ലംഘിച്ചെന്നതടക്കമുളള കാര്യങ്ങളില്‍ അന്വേഷണം നടക്കുകയാണെന്നും ഇ ഡി.

തിരുവനന്തപുരം: സ്വർണക്കളളക്കടത്ത് കേസിലെ പ്രധാന പ്രതികൾ ജാമ്യം തേടി വീണ്ടും കോടതിയിലേക്ക്. കസ്റ്റംസ് കേസിലെ നാലാം പ്രതി കെ ടി റമീസിന് ജാമ്യം കിട്ടിയതോടെയാണ് നീക്കം. മിക്ക പ്രതികളും അറസ്റ്റിലായി 60 ദിവസമായിട്ടും കുറ്റപത്രം സമ‍ർപ്പിക്കാത്തതിനാൽ, സ്വാഭാവിക ജാമ്യത്തിന് അർഹതയുണ്ടെന്നാണ് വാദം. 

എന്നാൽ കസ്റ്റംസ് കേസിലെ രണ്ടാം പ്രതി സ്വപ്ന സുരേഷിന്‍റെ ജാമ്യഹർജിയുടെ കാര്യത്തിൽ തീരുമാനമായിട്ടില്ല. ഒരു വർഷത്തെ കരുതൽ തടങ്കലിനുളള കോഫേ പോസ നടപടികൾ കസ്റ്റംസ് തുടങ്ങി. ഇതിനിടെ സ്വപ്നയെ വീണ്ടും കസ്റ്റഡിയിൽ വാങ്ങാൻ എൻഐഎ നടപടി തുടങ്ങി. 

സ്വപ്നയ്ക്ക് ഗുരുതര ആരോഗ്യ പ്രശ്നങ്ങളില്ലെന്ന് ബോധ്യമായതോടെയാണ് ഇത്. മന്ത്രി കെടി ജലീലനെ എൻ ഐഎ ഉൾപ്പെടെയുളള ഏജൻസികൾ വൈകാതെ ചോദ്യം ചെയ്യുമെന്നാണ് വിവരം.