Asianet News MalayalamAsianet News Malayalam

റസ്റ്റ് ഹൗസുകളിലെ ഓൺലൈൻ ബുക്കിംഗിന് വൻസ്വീകാര്യത: സർക്കാരിന് 5.76 ലക്ഷത്തിൻ്റെ വരുമാനം

 നവംബ‍ർ ഒന്നിന് തുടങ്ങിയ ഓൺലൈൻ ബുക്കിം​ഗ് സൗകര്യം ഇന്നലെ വരെ 991 പേ‍ർ പ്രയോജനപ്പെടുത്തിയെന്നും ഇതിലൂടെ 5,76,927 രൂപ വരുമാനമായി ലഭിച്ചെന്നും പൊതുമരാമത്ത് മന്ത്രി നിയമസഭയിൽ അറിയിച്ചു. 

good reception for online booking service in rest houses
Author
Thiruvananthapuram, First Published Nov 10, 2021, 10:00 AM IST
  • Facebook
  • Twitter
  • Whatsapp

തിരുവനന്തപുരം: പൊതുമരാമത്ത് വകുപ്പിൻ്റെ ഉടമസ്ഥതയിലുള്ള റസ്റ്റ് ഹൗസുകളിൽ (PWD Rest House) പൊതുജനങ്ങൾക്ക് ഓൺലൈൻ ബുക്കിം​ഗ് സംവിധാനമേ‍ർപ്പെടുത്തിയ പദ്ധതി വൻവിജയമാണെന്ന് മന്ത്രി മുഹമ്മദ് റിയാസ് അറിയിച്ചു. നവംബ‍ർ ഒന്നിന് തുടങ്ങിയ ഓൺലൈൻ ബുക്കിം​ഗ് സൗകര്യം ഇന്നലെ വരെ 991 പേ‍ർ പ്രയോജനപ്പെടുത്തിയെന്നും ഇതിലൂടെ 5,76,927 രൂപ വരുമാനമായി ലഭിച്ചെന്നും പൊതുമരാമത്ത് മന്ത്രി നിയമസഭയിൽ അറിയിച്ചു. 

പൊതുമരാമത്ത് വകുപ്പ് പദ്ധതികളുടെ പുരോഗതി വിലയിരുത്താൻ പ്രോജക്ട് മാനേജ്മെന്റ് സിസ്റ്റം ഉടൻ നടപ്പിലാക്കുമെന്നും ഇതിലൂടെ പദ്ധതികൾ സുതാര്യമാകുമെന്നും പൊതുമരാമത്ത്മന്ത്രി വ്യക്തമാക്കി. ഈ സംവിധാനം വഴി പദ്ധതികളുടെ എല്ലാ വിവരങ്ങളും പൊതുജനങ്ങൾക്ക് ലഭ്യമാകും. പൊതുമാരമത്ത് ജോലികളുടെ കാലതാമസം ഒഴിവാക്കാനും സമയബന്ധിതമായി പൂർത്തീകരിക്കാനും വർക്കിംഗ് കലണ്ടർ തയ്യാറാക്കുമെന്നും മന്ത്രി അറിയിച്ചു. 

Follow Us:
Download App:
  • android
  • ios