Asianet News MalayalamAsianet News Malayalam

കാറിലിടിക്കണ്ട, എന്നെ ഇടിക്കണമെങ്കിൽ ഞാൻ പുറത്തിറങ്ങാം: കരിങ്കൊടി കാട്ടിയ എസ്എഫ്ഐക്കാരോട് ഗവര്‍ണര്‍

കരിങ്കൊടി കാണിക്കുന്നവരോട് വിരോധമില്ലെന്ന് ഗവർണർ ആരിഫ് മുഹമ്മദ് ഖാൻ പ്രതികരിച്ചു

Governor Arif Mohammed Khan against SFI black flag protest kgn
Author
First Published Jan 24, 2024, 7:15 PM IST

പാലക്കാട്: പൊതുപരിപാടിയിൽ പങ്കെടുക്കാനെത്തിയ ഗവര്‍ണര്‍ ആരിഫ് മുഹമ്മദ് ഖാനെതിരെ പാലക്കാട് കരിങ്കൊടി പ്രതിഷേധം. എസ്എഫ്ഐ പ്രവര്‍ത്തകരാണ് പ്രതിഷേധിച്ചത്. സര്‍വകലാശാലകളിലെ സംഘപരിവാര്‍വത്കരണത്തിനെതിരെ തുടരുന്ന പ്രതിഷേധമാണ് ഇന്നും നടന്നത്. പിന്നാലെ എസ്എഫ്ഐ ജില്ലാ സെക്രട്ടറി ഉൾപ്പെടെയുള്ള പ്രവർത്തകരെ പൊലീസ് അറസ്റ്റ് ചെയ്തു നീക്കി.

കരിങ്കൊടി കാണിക്കുന്നവരോട് വിരോധമില്ലെന്ന് ഗവർണർ ആരിഫ് മുഹമ്മദ് ഖാൻ പ്രതികരിച്ചു. കരിങ്കൊടി കാണിക്കുന്നവര്‍ക്ക് ആശംസകൾ. അവരോട് തനിക്ക് സഹതാപം മാത്രമേയുള്ളൂ. അവരെന്റെ കാറിൽ ഇടിക്കുന്നുണ്ട്. അതിന്റെ ആവശ്യമില്ല. എന്നെ ഇടിക്കണമെന്നാണ് അവരുടെ ആവശ്യമെങ്കിൽ താൻ കാറിന് പുറത്തിറങ്ങാമെന്നും ഗവര്‍ണര്‍ പാലക്കാട് മാധ്യമപ്രവര്‍ത്തകരോട് പ്രതികരിച്ചു.

ഏഷ്യാനെറ്റ് ന്യൂസ് ലൈവ്

Follow Us:
Download App:
  • android
  • ios