'ആർഎസ്എസ് പ്രചാരകനെപ്പോലെ ഗവർണർ പെരുമാറരുത്'; ഡിവൈഎഫ്ഐ
ചരിത്ര വിരുദ്ധമായി ഗവർണർ സംസാരിച്ചപ്പോൾ അത് തെറ്റാണെന്നു ചരിത്രകാരന്മാർ ചൂണ്ടികാട്ടിയെന്ന് റഹീം
കോഴിക്കോട്: ആർ എസ് എസിന്റെ പ്രചാരകനെപ്പോലെ ഗവർണർ പെരുമാറരുതെന്ന് ഡി വൈ എഫ് ഐ. പൗരത്വ നിയമഭേദഗതിക്കതിരെ രാജ്യത്തുയരുന്ന പ്രതിഷേധമാണ് ചരിത്ര കോൺഗ്രസിൽ കണ്ടതെന്ന് ഡി വൈ എഫ് ഐ സംസ്ഥാന സെക്രട്ടറി എ എ റഹീം അഭിപ്രായപ്പെട്ടു.
ചരിത്ര വിരുദ്ധമായി ഗവർണർ സംസാരിച്ചപ്പോൾ അത് തെറ്റാണെന്നു ചരിത്രകാരന്മാർ ചൂണ്ടികാട്ടിയെന്നും റഹീം പറഞ്ഞു. ആർ എസ് എസിന്റെ പ്രചാരകനെപ്പോലെയാകരുത് ഗവർണറുടെ പെരുമാറ്റമെന്നും ഡിവൈഎഫ്ഐ സെക്രട്ടറി ആവശ്യപ്പെട്ടു. കോഴിക്കോട്ട് പൗരത്വ നിയമഭേദഗതിക്കതിരെ ഡി വൈ എഫ് ഐ സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്യുകയായിരുന്നു റഹീം.