സർക്കാർ സ്പിന്നിങ് മിൽ ഉദ്ഘാടനത്തിന് മുന്നോടിയായി ഗണപതി ഹോമം; എം ഡിക്ക് നേരെ നടപടി
ഫെബ്രുവരി 28നാണ് വ്യവസായ മന്ത്രി ഉദ്ഘാടനം ചെയ്യുന്നതിന് മുൻപേ പിണറായി സ്പിന്നിങ് മില്ലിൽ പുലർച്ചേ മൂന്നിനും അഞ്ചിനും ഇടയിൽ ഹോമം നടന്നത്.
കണ്ണൂര്: കണ്ണൂർ പിണറായിയിലെ സർക്കാർ സ്പിന്നിങ് മിൽ ഉദ്ഘാടനത്തിനു മുന്നോടിയായി ഗണപതി ഹോമം നടത്തിയ സംഭവത്തിൽ ധര്മടം പിണറായി ഹൈടെക് വീവിങ് മില് എംഡിക്ക് എതിരെ നടപടി. എം ഡി എം ഗണേഷിനെ നീക്കി പകരം കൈത്തറി ഡയറക്ടർ കെ സുധീറിന് ചുമതല നൽകി.
ഫെബ്രുവരി 28നാണ് വ്യവസായ മന്ത്രി ഉദ്ഘാടനം ചെയ്യുന്നതിന് മുൻപേ പിണറായി സ്പിന്നിങ് മില്ലിൽ പുലർച്ചേ മൂന്നിനും അഞ്ചിനും ഇടയിൽ ഹോമം നടന്നത്. മുഖ്യമന്ത്രിയുടെ മണ്ഡലത്തിൽ സർക്കാർ പദ്ധതി ഉദ്ഘടനത്തിനു മുൻപേ ഹോമം നടത്തിയത് വിവാദമായിരുന്നു. മുഖ്യമന്ത്രിയുടെ ഇടപെടലിനെ തുടർന്നാണ് അടിയന്തിര നടപടി.