കനത്ത മഴ; തലശ്ശേരി ബസ് സ്റ്റാൻഡിൽ വെള്ളം പൊങ്ങി
ഞായറാഴ്ച ആയതിനാൽ കടകൾ അടച്ച നിലയിലായിരുന്നു.
കണ്ണൂര്: ഉച്ച മുതൽ തുടങ്ങിയ കനത്ത മഴയിൽ കണ്ണൂരിലെ ചില പ്രദേശങ്ങളിൽ വെള്ളം കയറി. തലശ്ശേരി ബസ് സ്റ്റാൻഡിൽ മുട്ടോളം വരെ വെള്ളം പൊങ്ങി. പല കടകളിലും വെള്ളം കയറി. ഞായറാഴ്ച ആയതിനാൽ കടകൾ അടച്ച നിലയിലായിരുന്നു. ഇരിട്ടി തളിപ്പറമ്പ് സംസ്ഥാന പാതയിൽ മരം വീണ് ഗതാഗതം തടസ്സപ്പെട്ടിരിക്കുകയാണ്. ഫയർഫോഴ്സും നാട്ടുകാരും ചേർന്ന് മരം നീക്കി. റോഡിൽ വാഹനങ്ങൾ കുറവായതിനാൽ വെള്ളക്കെട്ടുണ്ടായ ഇടങ്ങളിൽ ഒന്നും ഗതാഗത തടസ്സമുണ്ടായില്ല.