പാലക്കാട് കുഴൽപ്പണ വേട്ട: റെയിൽവെ പൊലീസ് പിടിച്ചത് 80 ലക്ഷം
വേങ്ങര സ്വദേശികളായ മുഹമ്മദ് ഷഫീഖ്, അബ്ദുൽ ഖാദർ എന്നിവരെയാണ് റെയിൽവെ പൊലീസ് അറസ്റ്റ് ചെയ്തത്
പാലക്കാട്: പാലക്കാട്ട് വൻ കുഴൽപ്പണ വേട്ട. അനധികൃതമായി ട്രെയിനിൽ കടത്താൻ ശ്രമിച്ച പണമാണ് റെയിൽവെ പൊലീസ് പിടികൂടിയത്. വേങ്ങര സ്വദേശികളായ മുഹമ്മദ് ഷഫീഖ്, അബ്ദുൽ ഖാദർ എന്നിവരെയാണ് റെയിൽവെ പൊലീസ് അറസ്റ്റ് ചെയ്തത്.
രാവിലെ ചെന്നൈ മംഗലാപുരം എക്സ്പ്രസിലാണ് പരിശോധന നടത്തിയത്. റെയിൽവെ പൊലീസ് നടത്തിയ പരിശോധനയിൽ രണ്ടുപേരിൽ നിന്നായി 80 ലക്ഷം രൂപ പിടിച്ചെടുത്തു.