Asianet News MalayalamAsianet News Malayalam

ശിവശങ്കറിനെ മാറ്റുന്ന ദൃശ്യം ചിത്രീകരിക്കാൻ ശ്രമിച്ച മാധ്യമപ്രവർത്തകർക്ക് ആശുപത്രി ജീവനക്കാരുടെ മർദ്ദനം

അക്രമികൾക്കെതിരെ നടപടി ആവശ്യപ്പെട്ട് മാധ്യമപ്രവർത്തകർ ആശുപത്രിക്ക് മുന്നിൽ പ്രതിഷേധം നടത്തുകയാണ്

Journalist beaten by PRS hospital staff while covering M Sivasankar hospital change
Author
Thiruvananthapuram, First Published Oct 17, 2020, 3:09 PM IST

തിരുവനന്തപുരം: എം ശിവശങ്കറിനെ ആശുപത്രി മാറ്റുന്ന ദൃശ്യങ്ങൾ ചിത്രീകരിക്കാൻ ശ്രമിക്കുന്നതിനിടെ പിആർഎസ് ആശുപത്രിക്ക് മുന്നിൽ മാധ്യമപ്രവർത്തകർക്ക് മർദ്ദനം. ആശുപത്രി ജീവനക്കാരനാണ് മാധ്യമപ്രവർത്തകരെ മർദ്ദിച്ചത്. അമൃത ടിവിയുടെ ക്യാമറമാന് അപ്രതീക്ഷിതമായ ആക്രമണത്തിൽ മർദ്ദനമേറ്റു. അക്രമികൾക്കെതിരെ നടപടി ആവശ്യപ്പെട്ട് മാധ്യമപ്രവർത്തകർ ആശുപത്രിക്ക് മുന്നിൽ പ്രതിഷേധം നടത്തുകയാണ്. എന്നാൽ മാധ്യമപ്രവർത്തകർ പിരിഞ്ഞുപോകണമെന്നും മാധ്യമപ്രവർത്തകനെ മർദ്ദിച്ചയാൾക്ക് എതിരെ പിന്നീട് നടപടിയെടുക്കാമെന്നുമാണ് പൊലീസ് പറയുന്നത്. മാധ്യമപ്രവർത്തകർ ഇത് അംഗീകരിച്ചില്ല. പ്രതിഷേധം തുടരുകയാണ്. അതിനിടെ എം ശിവശങ്കറിനെ പിആർഎസ് ആശുപത്രിയിൽ നിന്ന് തിരുവനന്തപുരം മെഡിക്കൽ കോളേജിലേക്ക് മാറ്റി.

Follow Us:
Download App:
  • android
  • ios