സുധാകരന് പിന്തുണ പ്രഖ്യാപിച്ച് കെ സി വേണുഗോപാലും വി ഡി സതീശനും;പാർട്ടി ദൗർബല്യങ്ങൾ തീർക്കാനുള്ള കരുത്തുണ്ട്
കണ്ണൂരിലെ കോൺഗ്രസുകാരൻ കേരളത്തിലെ കോൺഗ്രസിന് അഭിമാനമാണെന്നും എതിർപ്പുകൾ ഉന്നയിക്കുന്നവർ സ്വയം ലക്ഷ്മണരേഖ തീർക്കണമെന്നും കെ സി വേണുഗോപാൽ പറഞ്ഞു
കണ്ണൂർ: ഡി സി സി പുന:സംഘടനക്ക് പിന്നാലെ കെ സുധാകരന് പിന്തുണ പരസ്യമാക്കി കെ സി വേണുഗോപാലും പ്രതിപക്ഷ നേതാവ് വി ഡി സതീശനും. കെ.സുധാകരന് സർവ്വ സ്വാതന്ത്ര്യവും പൂർണ പിന്തുണയും നൽകുമെന്ന് കെ സി വേണുഗോപാൽ വ്യക്തമാക്കി. കേരളത്തിലെ കോൺഗ്രസിൻ്റെ ദൗർബല്യങ്ങൾ തീർക്കാനുള്ള കരുത്ത് സുധാകരനുണ്ട്. കണ്ണൂരിലെ കോൺഗ്രസുകാരൻ കേരളത്തിലെ കോൺഗ്രസിന് അഭിമാനമാണെന്നും എതിർപ്പുകൾ ഉന്നയിക്കുന്നവർ സ്വയം ലക്ഷ്മണരേഖ തീർക്കണമെന്നും കെ സി വേണുഗോപാൽ പറഞ്ഞു.
കേരളത്തിലെ കോൺഗ്രസിൻ്റെ അവസാന വാക്ക് കെ സുധാകരനാണെന്നായിരുന്നു വി ഡി സതീശന്റെ നിലപാട്. കോൺഗ്രസിനെ സെമികേഡർ പാർട്ടിയാക്കാനുള്ള ശ്രമത്തിൽ എല്ലാവരും ഒപ്പം നിൽക്കണമെന്നും വി ഡി സതീശൻ പറഞ്ഞു
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
