കീം പ്രവേശന പരീക്ഷാ റാങ്കുകള് പ്രഖ്യാപിച്ചു
71,742 വിദ്യാര്ഥികള് എഴുതിയ പരീക്ഷയില് 56,599 പേരാണ് യോഗ്യത നേടിയത്. പ്രവേശന നടപടികള് ഈ മാസം 29ന് തുടങ്ങുമെന്ന് ഉന്നതവിദ്യാഭ്യാസ മന്ത്രി കെ ടി ജലീല് അറിയിച്ചു.
തിരുവനന്തപുരം: സംസ്ഥാനത്തെ കീം പ്രവേശന പരീക്ഷാ റാങ്കുകള് പ്രഖ്യാപിച്ചു. എന്ജിനിയറിങ് വിഭാഗത്തില് കോട്ടയം തെളളകം സ്വദേശി കെ എസ് വരുണിനാണ് ഒന്നാം റാങ്ക്. കണ്ണൂര് മാതമംഗലം സ്വദേശി ഗോകുല് ഗോവിന്ദിന് രണ്ടാം റാങ്കും, മലപ്പുറം നെടിയപറമ്പ് സ്വദേശി പി നിയാസ് മോന് മൂന്നാം റാങ്കും ലഭിച്ചു. ഫാര്മസി പ്രവേശന പട്ടികയില് തൃശൂര് ചൊവ്വന്നൂര് സ്വദേശി അക്ഷയ് കെ. മുരളീധരനാണ് ഒന്നാമെത്തിയത്.
കാസര്കോട് പരപ്പ സ്വദേശിയായ ജോയല് ജെയിംസ് രണ്ടാം റാങ്കും,കൊല്ലത്തുകാരന് അദിത്യ ബൈജു മൂന്നാം റാങ്കും സ്വന്തമാക്കി. ആദിത്യയ്ക്ക് എന്ജിനിയറിങ് പ്രവേശന പരീക്ഷയില് നാലാം റാങ്ക് നേട്ടവും സ്വന്തമായി. 71,742 വിദ്യാര്ഥികള് എഴുതിയ പരീക്ഷയില് 56,599 പേരാണ് യോഗ്യത നേടിയത്. പ്രവേശന നടപടികള് ഈ മാസം 29ന് തുടങ്ങുമെന്ന് ഉന്നതവിദ്യാഭ്യാസ മന്ത്രി കെ ടി ജലീല് അറിയിച്ചു.