48 മണിക്കൂറിനകം മറുപടി നല്കിയില്ലെങ്കില് തുടര്നടപടി സ്വീകരിക്കുമെന്നും നോട്ടീസിൽ വ്യക്തമാക്കുന്നു.
കാസർകോട് : തെരഞ്ഞെടുപ്പ് പെരുമാറ്റചട്ടം ലംഘിച്ചതിന് കാസർകോട്ടെ എൽഡിഎഫ് സ്ഥാനാര്ത്ഥി എം.വി ബാലകൃഷ്ണന് കാരണം കാണിക്കല് നോട്ടീസ്. മുന്കൂട്ടി അനുമതി വാങ്ങാതെ പ്രചാരണത്തിനായി വാഹനം ഉപയോഗിച്ചു, വാഹനം രൂപമാറ്റം വരുത്തി, അനുമതിയില്ലാതെ ലൗഡ് സ്പീക്കര് ഉപയോഗിച്ചു, റോഡ് ഷോ നടത്തി, പടക്കം പൊട്ടിച്ചു, മൃഗത്തെ പ്രദര്ശിപ്പിച്ചു, കുട്ടികളെ റാലിയില് പങ്കെടുപ്പിച്ചു, തുടങ്ങിയ കാര്യങ്ങൾ ചൂണ്ടിക്കാട്ടിയാണ് നോട്ടീസ്.
മാതൃകാ പെരുമാറ്റ ചട്ടം നോഡല് ഓഫീസറും സബ് കളക്ടറുമായ സൂഫിയാന് അഹമ്മദാണ് നോട്ടീസ് നല്കിയത്. 48 മണിക്കൂറിനകം മറുപടി നല്കിയില്ലെങ്കില് തുടര്നടപടി സ്വീകരിക്കുമെന്നും നോട്ടീസിൽ വ്യക്തമാക്കുന്നു.
