കൊച്ചി മെട്രോയുടെ സമയക്രമം രാവിലെ ആറ് മുതൽ വൈകിട്ട് പത്ത് മണി വരെയാക്കി
യാത്രക്കാരുടെ ആവശ്യപ്രകാരമാണ് വീണ്ടും പഴയ സമയക്രമത്തിലേക്ക് കൊച്ചി മെട്രോ എത്തുന്നത്.
കൊച്ചി: കൊച്ചി മെട്രോയുടെ സമയക്രമം വീണ്ടും രാവിലെ 6മണി മുതൽ രാത്രി 10 മണി വരെയാക്കി. ലോക്ഡൗൺ പ്രഖ്യാപിച്ചതിനെ തുടർന്ന് കേന്ദ്രം പുറപ്പെടുവിച്ച മാര്‍ഗ്ഗനിര്‍ദേശത്തിൻ്റെ അടിസ്ഥാനത്തിൽ മെട്രോയുടെ പ്രവര്‍ത്തന സമയം രാവിലെ 7 മുതൽ രാത്രി 9 മണി വരെയാക്കിയിരുന്നു.
ഇപ്പോൾ യാത്രക്കാരുടെ ആവശ്യപ്രകാരമാണ് വീണ്ടും പഴയ സമയക്രമത്തിലേക്ക് കൊച്ചി മെട്രോ എത്തുന്നത്. ഇനി മുതൽ രാവിലെ 6മണിക്കും,രാത്രി പത്ത് മണിക്കും ആലുവ,പേട്ട സ്റ്റേഷനുകളിൽ നിന്ന് മെട്രോ പുറപ്പെടും. നിലവിൽ മെട്രോയിലെത്തുന്ന ശരാശരി യാത്രക്കാരുടെ എണ്ണം ഇരുപത്തി ഒന്നായിരമാണ്.
Last Updated Dec 21, 2020, 8:03 PM IST
