പറക്കുളം സ്വദേശി സുനിൽകുമാർ (23) ഭാര്യ ശാന്തിനി(19) എന്നിവരാണ് മരിച്ചത്. ഞായറാഴ്ച വൈകീട്ടാണ് ഇവരെ കൊല്ലം ബീച്ചിനുസമീപത്തെ കടലിൽ കാണാതായത്.
കൊല്ലം: കൊല്ലം ബീച്ചിൽ തിരയിൽപ്പെട്ട് കാണാതായ ദമ്പതികളുടെ മൃതദേഹം കണ്ടെത്തി. പറക്കുളം സ്വദേശി സുനിൽകുമാർ (23) ഭാര്യ ശാന്തിനി(19) എന്നിവരാണ് മരിച്ചത്. ഇന്ന് പുലര്ച്ചെ കൊല്ലം പോര്ട്ടിന് സമീപമാണ് മൃതദേഹം അടിഞ്ഞത്. ജില്ലാ ആശുപത്രിയിലെ പോസ്റ്റ്മോർട്ടത്തിന് ശേഷം മൃതദേഹം ബന്ധുക്കള്ക്ക് വിട്ട് നല്കും.
Add Asianetnews as a Preferred Source
ഞായറാഴ്ച വൈകീട്ടാണ് ഇവരെ കൊല്ലം ബീച്ചിനുസമീപത്തെ കടലിൽ കാണാതായത്. സുനിൽകുമാറിന്റെ സഹോദരഭാര്യയുടെ ബന്ധുവിന്റെ വിവാഹത്തിൽ പങ്കെടുക്കാൻ പെരുമണിലേക്ക് പോയതായിരുന്നു ഇരുവരും. വിവാഹം കഴിഞ്ഞ് വൈകീട്ടോടെയാണ് കൊല്ലം ബീച്ചിലെത്തിയത്. സഹോദരനും മറ്റു ബന്ധുക്കളും ഇവർക്കൊപ്പമുണ്ടായിരുന്നു. കാൽ നനയ്ക്കാനിറങ്ങിയ ശാന്തിനി തിരയിൽപ്പെടുന്നതുകണ്ട് രക്ഷിക്കാനിറങ്ങിയപ്പോഴാണ് സുനിൽകുമാറും തിരയിൽപ്പെട്ടത്.
