സംസ്ഥാനത്ത് പെയ്ത അതിതീവ്ര മഴയിൽ കെഎസ്ഇബിക്ക് 25.43 കോടി രൂപയുടെ നാശനഷ്ടം സംഭവിച്ചെന്ന് പ്രാഥമിക വിലയിരുത്തൽ. 6.5 ലക്ഷത്തിലധികം ഉപഭോക്താക്കളെ ഇത് ബാധിച്ചുവെന്നും 2892 ട്രാൻസ്ഫോർമറുകളുടെ പ്രവർത്തനം തടസ്സപ്പെട്ടുവെന്നും കെഎസ്ഇബി അറിയിച്ചു
തിരുവനന്തപുരം: സംസ്ഥാനത്തുണ്ടായ അതിതീവ്ര മഴയില് കെ എസ് ഇ ബി യുടെ വൈദ്യുതി വിതരണ ശൃംഖലയ്ക്ക് വന്നാശം. പ്രാഥമിക വിലയിരുത്തലുകള് അനുസരിച്ച് 25.43 കോടി രൂപയുടെ നാശനഷ്ടം ഉണ്ടായിട്ടുണ്ടെന്ന് കെ എസ് ഇ ബി അറിയിച്ചു. ഇന്ന് വൈകിട്ട് 4 മണി വരെയുള്ള കണക്കനുസരിച്ച് 2892 ട്രാന്സ്ഫോര്മറുകളെ മഴക്കെടുതി ബാധിച്ചു. 6,56,770 ഉപഭോക്താക്കള്ക്ക് വൈദ്യുതി വിതരണം തടസ്സപ്പെട്ടു. 349 ഹൈ ടെന്ഷന് പോസ്റ്റുകളും 2599 ലോ ടെന്ഷന് പോസ്റ്റുകളും തകര്ന്നു. 248 ഇടങ്ങളില് ഹൈ ടെന്ഷന് ലൈനും 7212 ഇടങ്ങളില് ലോ ടെന്ഷന് ലൈനും പൊട്ടിവീണു. 233 ട്രാന്സ്ഫോര്മറുകള് പൂര്ണ്ണമായും വെള്ളത്തിനടിയിലായി. 63676 ഉപഭോക്താക്കള്ക്ക് ഇനിയും വൈദ്യതിബന്ധം നല്കാനുണ്ട്. വൈദ്യുതി തകരാറുകള് പരിഹരിക്കാനുള്ള ഊര്ജ്ജിതശ്രമം സംസ്ഥാന വ്യാപകമായി നടന്നുവരുന്നുവെന്നും കെ എസ് ഇ ബി അറിയിച്ചു.
ഉപഭോക്താക്കൾ സഹകരിക്കണം
കണ്ണൂര്, പത്തനംതിട്ട ജില്ലകളിലെ ഉപഭോക്താക്കളെയാണ് വൈദ്യുതി തകരാര് ഏറ്റവും കൂടുതല് ബാധിച്ചത്. വൈദ്യുതി തടസ്സങ്ങള് പ്രധാനമായും വെള്ളപ്പൊക്ക ബാധിത പ്രദേശങ്ങളിലാണ് നിലനില്ക്കുന്നത്. വെള്ളം പൂര്ണ്ണമായും മാറിയതിനുശേഷം സുരക്ഷാമാനദണ്ഡങ്ങള് പൂര്ണ്ണമായും പാലിച്ച് മാത്രമേ അവിടങ്ങളിലെ വൈദ്യുതി പുന:സ്ഥാപന പ്രവര്ത്തനങ്ങള് നടത്തുവാന് കഴിയുകയുള്ളൂ. വൈദ്യുതി പുന:സ്ഥാപന പ്രവര്ത്തനങ്ങള് കൂടുതല് ഫലപ്രദമായും കാര്യക്ഷമമായും ഏകോപിപ്പിക്കുന്നതിനായി സര്ക്കിള് തലത്തില് കണ്ട്രോള് റൂമുകള് പ്രവര്ത്തനം ആരംഭിച്ചിട്ടുണ്ട്. എല്ലാ ഉപഭോക്താക്കളുടെയും സഹകരണം കെ എസ് ഇ ബി അഭ്യര്ത്ഥിച്ചു.
ഇലക്ട്രിക്കൽ സർക്കിൾ
ഫോൺ നമ്പർ
തിരുവനന്തപുരം
nil
കാട്ടാക്കട
9446008042
കൊല്ലം
nil
കൊട്ടാരക്കര
8547465197
പത്തനംതിട്ട
9446009451
കോട്ടയം
9496008063
പാല
9496008230,9496001912, Whatsapp:9496018397
ഹരിപ്പാട്
9496008509
ആലപ്പുഴ
9496008413
എറണാകുളം
9496008720
പെരുമ്പാവൂർ
9496008865
തൊടുപുഴ
9496009265
തൃശ്ശൂർ
9496009601
ഇരിങ്ങാലക്കുട
9496009439
പാലക്കാട്
9496009936
ഷൊർണ്ണൂർ
9496010094
നിലമ്പൂർ
9496012485
തിരൂർ
9496010418
മഞ്ചേരി
9496010273
കോഴിക്കോട്
9496010692
വടകര
9496010849
കൽപ്പറ്റ
9496010625
കണ്ണൂർ
9496011176
ശ്രീകണ്ഠാപുരം
9496018618
കാസർകോട്
9496011431
