മന്ത്രി കെടി ജലീൽ ബന്ധുനിയമനത്തിൽ തെറ്റുകാരനാണെന്ന ലോകായുക്തയുടെ കണ്ടെത്തൽ ഗൗരവതരമാണെന്ന് ബിജെപി സംസ്ഥാന പ്രസിഡൻ്റ് കെ സുരേന്ദ്രൻ
തിരുവനന്തപുരം: മന്ത്രി കെടി ജലീൽ ബന്ധുനിയമനത്തിൽ തെറ്റുകാരനാണെന്ന ലോകായുക്തയുടെ കണ്ടെത്തൽ ഗൗരവതരമാണെന്ന് ബിജെപി സംസ്ഥാന പ്രസിഡൻ്റ് കെ സുരേന്ദ്രൻ. ജലീലിനെ ഉടൻ മന്ത്രിസഭയിൽ നിന്നും പുറത്താക്കണം.
Add Asianetnews as a Preferred Source
പിണറായി സർക്കാരിലെ മന്ത്രിമാർക്ക് ഉറപ്പാണ് ജയിലെന്ന് സുരേന്ദ്രൻ പ്രസ്താവനയിൽ പറഞ്ഞു. ജലീൽ തൻ്റെ ബന്ധുവായ അദീബിനെ ന്യൂനപക്ഷ കോർപ്പറേഷൻ്റെ ജനറൽ മാനേജരായി നിയമിച്ചത് അനധികൃതമായാണെന്ന് വ്യക്തമായ സ്ഥിതിക്ക് മുഖ്യമന്ത്രി ജനങ്ങളോട് മാപ്പ് പറയണം.
ജലീൽ സത്യപ്രതിജ്ഞാലംഘനമാണ് നടത്തിയത്. വരും ദിവസങ്ങളിൽ സർക്കാരിൻ്റെ കൂടുതൽ അഴിമതികൾ പുറത്തു വരുമെന്നും സുരേന്ദ്രൻ പറഞ്ഞു.
