'ഗ്രൂപ്പ് തര്‍ക്കം സീറ്റ് കളഞ്ഞു'; ഡീൻ കുര്യാക്കോസിനെതിരെ മഹിളാ കോൺഗ്രസ് നേതാവ്
സ്ഥാനാ‌ത്ഥിത്വം അംഗീകരിച്ച് കെപിസിസി കത്ത് നൽകിയിരുന്നുവെന്നും ഡീൻ ഇടപെട്ട് അവസാന നിമിഷം ഒഴിവാക്കുകയായിരുന്നുവെന്നുമാണ് നിഷയുടെ പരാതി. പാ‌‌‌ർട്ടി ചിഹ്നം ലഭിക്കാത്തതിനാൽ നിഷ പത്രിക പിൻവലിച്ചു.
തൊടുപുഴ: ഡീൻ കുര്യാക്കോസ് എംപിക്കെതിരെ പരാതിയുമായി മഹിള കോൺഗ്രസ് നേതാവ്. ഗ്രൂപ്പ് തർക്കം മൂലം പത്രിക പിൻവലിക്കേണ്ടിവന്നുവെന്നാണ് മഹിളാ കോൺഗ്രസ് സംസ്ഥാന സെക്രട്ടറി നിഷ സോമൻ ആരോപിക്കുന്നത്. തൊടുപുഴ നഗരസഭയിലെ 21ആം വാർഡിലേക്ക് നിഷ പത്രിക നൽകിയിരുന്നു.
സ്ഥാനാ‌ത്ഥിത്വം അംഗീകരിച്ച് കെപിസിസി കത്ത് നൽകിയിരുന്നുവെന്നും ഡീൻ ഇടപെട്ട് അവസാന നിമിഷം ഒഴിവാക്കുകയായിരുന്നുവെന്നുമാണ് നിഷയുടെ പരാതി. എന്തായിരുന്നു പ്രശ്നമെന്ന് ചോദിച്ചപ്പോൾ, ഡീൻ കുര്യാക്കോസിന്റെ വാ‍ർഡാണെന്നും ഡീനിന് താൽപര്യമുള്ളയാൾ വന്നുവെന്നുമായിരുന്നു ഡിസിസി പ്രസിഡന്‍റിന്റെ പ്രതികരണം, നിഷ പറയുന്നു.
പാ‌‌‌ർട്ടി ചിഹ്നം ലഭിക്കാത്തതിനാൽ നിഷ പത്രിക പിൻവലിച്ചു. ആരോപണത്തിൽ പ്രതികരിക്കാനില്ലെന്നാണ് ഡിൻ കുര്യാക്കോസിന്റെ നിലപാട്.
