Asianet News MalayalamAsianet News Malayalam

മദ്യപാനത്തിനിടെ വാക്കേറ്റം; തിരുവനന്തപുരത്ത് ഹോട്ടലില്‍ യുവാവിനെ കുത്തിക്കൊന്നു

തിരുവനന്തപുരം തമ്പാനൂരിലെ ബോബന്‍ പ്ലാസ ഹോട്ടലില്‍ കുത്തേറ്റ് യുവാവ് മരിച്ചു.

man was stabbed to death in hotel room
Author
Thampanoor, First Published Sep 12, 2019, 5:08 PM IST

തമ്പാനൂര്‍: തിരുവനന്തപുരം തമ്പാനൂരിലെ ബോബന്‍ പ്ലാസ ഹോട്ടലില്‍ കുത്തേറ്റ് യുവാവ് മരിച്ചു. പൂജപ്പുര സ്വദേശി ശ്രീനിവാസന്‍ ആണ് മരിച്ചത്. ശ്രീനിവാസനൊപ്പം മുറിയിലുണ്ടായിരുന്ന സുഹൃത്തുക്കളായ ഗിരീഷ്, സന്തോഷ് എന്നിവര്‍ പൊലീസ് കസ്റ്റഡിയിലാണ്.

ഇന്ന് രാവിലെ ഏഴരയോടെയാണ് ഇവര്‍ ഹോട്ടലില്‍ മുറിയെടുത്തത്. മദ്യപിക്കുന്നതിനിടെ വാക്കുതര്‍ക്കമുണ്ടായതായും തുടര്‍ന്ന് ശ്രീനിവാസനെ സുഹൃത്തുക്കള്‍ ബിയര്‍ കുപ്പി ഉപയോഗിച്ച് കുത്തിയെന്നുമാണ് പൊലീസ് പറയുന്നത്. ശ്രീനിവാസനെ കുത്തിക്കൊലപ്പെടുത്തിയത് കലേഷെന്ന മറ്റൊരു സുഹൃത്താണെന്ന് കസ്റ്റഡിയിലായവര്‍ പൊലീസിന് മൊഴി നല്‍കി.

ശ്രീനിവാസന്‍റെ നിലവിളി കേട്ട് ഹോട്ടല്‍ ജീവനക്കാര്‍ മുറിയില്‍ എത്തുകയായിരുന്നു. തുടര്‍ന്ന് പൊലീസെത്തി ഗിരീഷിനെയും സന്തോഷിനെയും കസ്റ്റഡിയിലെടുത്തു.

Follow Us:
Download App:
  • android
  • ios