Asianet News MalayalamAsianet News Malayalam

മംഗളുരു ബോട്ടപകടത്തിൽ കാണാതായ 9 പേർക്കായി മൂന്നാം ദിവസവും തെരച്ചിൽ

പുറം കടലില്‍ ആരെങ്കിലും ഒഴുകിനടക്കുന്നുണ്ടോയെന്നും ഇന്ന് പരിശോധിക്കും. ബേപ്പൂരില്‍നിന്ന് മത്സ്യബന്ധനത്തിനായെത്തിയ റബാ ബോട്ട് ചൊവ്വാഴ്ച പുലർച്ചെ രണ്ട് മണിക്കാണ് പുറം കടലില്‍ വിദേശ കപ്പലുമായി കൂട്ടിയിടിച്ചത്. 

mangaluru boat accident search ops continues
Author
Mangalore, First Published Apr 15, 2021, 10:33 AM IST

മംഗളൂരു/ കാസർകോട്: മംഗളൂരുവില്‍ ബോട്ടപകടത്തില്‍ കാണാതായ ഒന്‍പത് പേർക്കായി മൂന്നാം ദിവസവും തെരച്ചില്‍ തുടരുന്നു. നേവിയും കോസ്റ്റ്ഗാർഡും കോസ്റ്റല്‍ പോലീസും രാവിലെ തിരച്ചില്‍ ആരംഭിച്ചതായി ഉദ്യോഗസ്ഥർ അറിയിച്ചു. നേവിയുടെ 3 കപ്പലുകളും 1 വിമാനവും മുങ്ങല്‍വിദഗ്ധ സംഘവും തിരച്ചിലിനെത്തിയിട്ടുണ്ട്. പുറം കടലില്‍ ആരെങ്കിലും ഒഴുകിനടക്കുന്നുണ്ടോയെന്നും ഇന്ന് പരിശോധിക്കും. ബേപ്പൂരില്‍നിന്ന് മത്സ്യബന്ധനത്തിനായെത്തിയ റബാ ബോട്ട് ചൊവ്വാഴ്ച പുലർച്ചെ രണ്ട് മണിക്കാണ് പുറം കടലില്‍ വിദേശ കപ്പലുമായി കൂട്ടിയിടിച്ചത്. ബംഗാൾ തമിഴ്നാട് സ്വദേശികളായ 14 പേരാണ് ബോട്ടിലുണ്ടായിരുന്നത്. ബോട്ടിലെ 2 പേരെ രക്ഷപ്പെടുത്തി. 3 പേരുടെ മൃതദേഹമാണ് ഇതുവരെ കണ്ടെത്തിയത്. ഈ മൃതദേഹങ്ങളുടെ പോസ്റ്റ്‍മോർട്ടം നടപടികൾ മംഗളൂരുവിലെ ആശുപത്രിയില്‍ പൂർത്തിയായി, വൈകാതെ ബന്ധുക്കൾക്ക് കൈമാറും.

Follow Us:
Download App:
  • android
  • ios