കൊല്ലം: കാട്ടുപോത്തിനെ കണ്ട് ഭയന്നോടി കാട്ടിൽ അകപ്പെട്ട വിദ്യാർത്ഥിയെ കണ്ടെത്തി. കൊല്ലം ആര്യങ്കാവ് റോസ്‌മലയിൽ ഇന്നലെയാണ് സംഭവം. സഞ്ചാരികളായി എത്തിയ വിദ്യാർത്ഥികൾ കാട്ടുപോത്തിനെ കണ്ട് ഭയന്നോടിയപ്പോൾ ഇവരിലൊരാൾ കൂട്ടം തെറ്റി കാട്ടിൽ അകപ്പെടുകയായിരുന്നു.

കോട്ടയം സ്വദേശി സുമേഷാണ് കാട്ടിൽ അകപ്പെട്ടത്. ഇയാൾക്കായി ഇന്നലെ രാത്രി തന്നെ തിരച്ചിൽ ആരംഭിച്ചിരുന്നു. രാത്രിയായതിനാൽ തിരച്ചിൽ ദുഷ്കരമായിരുന്നു. 15 മണിക്കൂറോളം പരിശ്രമിച്ചാണ് വനപാലകർക്ക് ഇയാളെ കണ്ടെത്താനായത്.