ഇരുചക്ര വാഹന മോഷ്ടാവ് അറസ്റ്റിൽ. കൊല്ലം പെരുംപുഴ ചിറയടിപുനകന്നൂർ സ്വദേശി അജിത് കുമാർ (46) നെയാണ് പുത്തൻകുരിശ് പൊലീസ് അറസ്റ്റ് ചെയ്തത്
കൊച്ചി: ഇരുചക്ര വാഹന മോഷ്ടാവ് അറസ്റ്റിൽ. കൊല്ലം പെരുംപുഴ ചിറയടിപുനകന്നൂർ സ്വദേശി അജിത് കുമാർ (46) നെയാണ് പുത്തൻകുരിശ് പൊലീസ് അറസ്റ്റ് ചെയ്തത്. കഴിഞ്ഞ മാർച്ച് 31ന് പകലായിരുന്നു സംഭവം. കോലഞ്ചേരി ഭാഗത്ത് വാടകയ്ക്ക് താമസിക്കുന്ന പരാതിക്കാരൻ വീട്ടുമുറ്റത്ത് പാർക്ക് ചെയ്തിരുന്ന മോട്ടോർസൈക്കിൾ ആണ് ഇയാൾ മോഷ്ടിച്ചത്. കാസർകോട് ഉദുമ ഭാഗത്ത് ഒളിവിൽ കഴിയുകയായിരുന്ന ഇയാളെ ശാസ്ത്രീയ അന്വേഷണത്തിലൂടെ പിടികൂടുകയായിരുന്നു. ഇയാൾക്കെതിരെ കുണ്ടറ, കൊല്ലം വെസ്റ്റ്, എന്നീ പോലീസ് സ്റ്റേഷനുകളിൽ വേറെയും കേസുകൾ നിലവിലുണ്ട്.
കൂടാതെ, 2025 നവംബറിൽ കാപ്പ ഉത്തരവുപ്രകാരം കൊല്ലം ജില്ലയിൽ നിന്നും എട്ട് മാസത്തേക്ക് നാടുകടത്തിയിരുന്നു. അന്വേഷണ സംഘത്തിൽ ഡിവൈഎസ് പി എൻ ബാബുകുട്ടൻ, ഇൻസ്പെക്ടർ എംപി എബി, സബ്ബ് ഇൻസ്പെക്ടർമാരായ ജിതിൻകുമാർ, ജി ശശിധരൻ, മനോജ് കുമാർ, ബിജു ജോൺ, എസ് സിപിഒ കെആർ അഖിൽ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
