കെ റെയിൽ പദ്ധതിയിൽ അടിയന്തിര പ്രമേയത്തിന് നോട്ടീസ്, തണ്ണീർത്തടങ്ങൾ സംരക്ഷിക്കുമെന്ന് മുഖ്യമന്ത്രി
ഇതുമായി ബന്ധപ്പെട്ട് ജനത്തിനുള്ള ആശങ്ക പരിഹരിക്കും. എന്നാൽ പദ്ധതിയെ തുരങ്കം വയ്ക്കാൻ ആരെയും അനുവദിക്കില്ലെന്നും മുഖ്യമന്ത്രി
തിരുവനന്തപുരം: കെ റെയിൽ പദ്ധതിയിൽ പ്രതിപക്ഷം അടിയന്തിര പ്രമേയത്തിന് നോട്ടീസ് നൽകി. മോൻസ് ജോസഫ് എംഎൽഎയാണ് നോട്ടീസ് നൽകിയത്. ഇതിന് മുഖ്യമന്ത്രി പിണറായി വിജയൻ മറുപടി നൽകി. 88 കിലോമീറ്റർ ദൂരം തൂണുകൾക്ക് മുകളിലാണ് പദ്ധതി. തണ്ണീർത്തടങ്ങൾ സംരക്ഷിക്കപ്പെടും. 9314 കെട്ടിടങ്ങളെ പദ്ധതി ബാധിക്കും. ഇതുമായി ബന്ധപ്പെട്ട് ജനത്തിനുള്ള ആശങ്ക പരിഹരിക്കും. എന്നാൽ പദ്ധതിയെ തുരങ്കം വയ്ക്കാൻ ആരെയും അനുവദിക്കില്ല. സബർബൻ പദ്ധതി നടപ്പാക്കാൻ കഴിയില്ലെന്ന് കേന്ദ്രസർക്കാർ അറിയിച്ചിട്ടുണ്ടെന്നും മുഖ്യമന്ത്രി വിശദീകരിച്ചു.